ജിദ്ദ: കൊവിഡ് 19 നെ ​പ്ര​തി​രോ​ധി​ക്കാ​നു​ള്ള നി​യ​ന്ത്ര​ണ​ങ്ങ​ളും നി​രോ​ധ​ന ന​ട​പ​ടി​ക​ളും ക​ടു​ക്കുമ്പോ​ള്‍ നെ​ഞ്ചി​ല്‍ തീ ​പു​ക​യു​ന്ന കു​റെ​പ്പേ​രു​ണ്ട്. എ​ങ്ങ​നെയും നാ​ട്ടി​ലെ​ത്തി​യാ​ല്‍ മാ​ത്ര​മേ ഇ​വ​രു​ടെ പ്ര​ശ്​​ന​ങ്ങ​ള്‍​ക്ക്​ പ​രി​ഹാ​രം ല​ഭി​ക്കു​ക​യു​ള്ളൂ. സ​ന്ദ​ര്‍​ശ​ക വി​സ​ക​ളി​ലെ​ത്തി ഗ​ള്‍​ഫി​ല്‍ കു​ടു​ങ്ങി​പ്പോ​യ പ്രാ​യ​മാ​യ​വ​രും പ്ര​സ​വ​മ​ടു​ത്ത ഗ​ര്‍​ഭി​ണി​ക​ളു​മാ​ണ്​ ഇ​തി​ല്‍ പ്ര​ധാ​നം. തി​രി​ച്ചു​പോ​കാ​ന്‍ ക​ഴി​യാ​തെ ഗ​ള്‍​ഫി​ല്‍ കു​ടു​ങ്ങി​പ്പോ​യ​തോ​ടെ ത​ങ്ങ​ളു​ടെ ജീ​വി​ത​ശീ​ല​ങ്ങ​ളും പ​തി​വു​ മ​രു​ന്നു​ക​ളും മു​ട​ങ്ങിപ്പോ​യ​തിന്‍റെ ആ​ശ​ങ്ക​യി​ലാ​ണ്​ വൃ​ദ്ധ​ര്‍.മ​ക്ക​ളു​ടെ സ​ന്തോ​ഷ​ത്തി​ല്‍ പ​ങ്കു​ചേ​രാ​നും കൊ​ച്ചു​മ​ക്ക​ളെ കാ​ണാ​നു​മൊ​ക്കെ​യാ​യി ശാ​രീ​രി​ക അ​സ്വ​സ്​​ഥ​ത​ക​ളെ​ല്ലാം മാ​റ്റി​വെ​ച്ച്‌​ വി​മാ​നം ക​യ​റി​യ​വ​രാ​ണി​വ​ര്‍.

ഏ​റെ​പ്പേ​രും നി​ര​വ​ധി അ​സു​ഖ​ങ്ങ​ള്‍​ക്ക്​ നി​ത്യ​വും മ​രു​ന്ന്​ ക​ഴി​ക്കു​ന്ന​വ​രാ​ണ്. നാ​ട്ടി​ല്‍ ​നി​ന്ന്​ കൊ​ണ്ടു​വ​ന്ന മ​രു​ന്നു​ക​ള്‍ തീ​ര്‍​ന്ന​തോ​ടെ പ്ര​യാ​സ​പ്പെ​ടു​ന്ന​വ​ര്‍ ഏ​റെ​യാ​ണ്. ആ​ശു​പ​ത്രി​ക​ളി​ല്‍ ഇ​വ​രെ എ​ത്തി​ക്കാ​നോ ചി​കി​ത്സ തേ​ടാ​നോ ക​ഴി​യാ​ത്ത സാ​ഹ​ച​ര്യ​ങ്ങ​ളും ഉ​ണ്ട്. ഇ​ന്‍​ഷു​റ​ന്‍​സ്​ പ​രി​ര​ക്ഷ​യി​ല്ലാ​ത്ത​തി​നാ​ല്‍ ഇ​വി​ടെ ചി​കി​ത്സ തേ​ട​ലും പ​ര്യാ​പ്​​ത​മ​ല്ല. നാ​ട്ടി​ലേ​ക്കു​ള്ള യാ​ത്ര നീ​ണ്ടു​പോ​കുമ്പോള്‍ പ്ര​യാ​സ​പ്പെ​ടു​ന്ന മ​റ്റൊ​രു​കൂ​ട്ട​ര്‍ പ്ര​സ​വ​മ​ടു​ത്ത ഗ​ര്‍​ഭി​ണി​ക​ളും അ​വ​രു​ടെ ഭ​ര്‍​ത്താ​ക്ക​ന്മാ​രു​മാ​ണ്.

നിലവിൽ സഊദിയിൽ കുടുങ്ങിക്കിടക്കുന്ന ഗർഭിണികളായ 40 മലയാളി നഴ്സുമാർ നാട്ടിലേക്ക് മടങ്ങുന്നതിന് ഇടുക്കി എംപി ഡീൻ കുര്യാക്കോസ് മുഖേനയാണ് കേന്ദ്രസർക്കാരിന്‍റെ സഹായം തേടി കത്ത് നൽകിയത്. അതേ സമയം കത്തിനോട് കേന്ദ്രം അനുകൂലമായി പ്രതികരിച്ചിട്ടില്ല.അതിനിടെ ഏ​ഴു​​മാ​സം വ​രെ​യാ​ണ്​ ഗ​ര്‍​ഭി​ണി​ക​ള്‍​ക്ക്​ വി​മാ​ന​ത്തി​ല്‍ യാ​ത്ര ചെ​യ്യാ​ന്‍ അ​നു​മ​തി ല​ഭി​ക്കു​ക. ആ ​സ​മ​യ​വും ക​ട​ന്നു​പോ​യാ​ല്‍ സഊ​ദി​യി​ല്‍ പ്ര​സ​വി​ക്കു​ന്ന​തി​ന്​ നി​ര്‍​ബ​ന്ധി​ത​രാ​കും.

ഏ​തെ​ങ്കി​ലും സാ​ഹ​ച​ര്യ​ത്തി​ല്‍ സി​സേ​റി​യ​ന്‍ ചെ​യ്യേ​ണ്ടി ​വ​ന്നാ​ല്‍ വ​ലി​യ പ​ണ​ച്ചെ​ല​വ്​ ആ​ശു​പ​ത്രി​യി​ലു​ണ്ടാ​കും 12,000 മു​ത​ല്‍ 15,000 റി​യാ​ല്‍ വ​രെ​യാ​കാം ആ​ശു​പ​ത്രി ചെ​ല​വ്. നി​ല​വി​ലെ പ്ര​തി​സ​ന്ധി​യി​ല്‍ ഇ​തി​നു​ള്ള പ​ണം കൂ​ടി എ​ങ്ങ​നെ ക​ണ്ടെ​ത്തു​മെ​ന്ന​റി​യാ​തെ പ്ര​യാ​സ​പ്പെ​ടു​ക​യാ​ണ്​ പ​ല​രും. കൂ​ടാ​തെ പ്ര​സ​വ​ത്തി​ന്​ ശേ​ഷ​മു​ള്ള ശു​ശ്രൂ​ഷ​ക​ള്‍​ക്ക് ​ആ​ളി​നെ നി​ര്‍​ത്തേ​ണ്ടി​ വ​ന്നാ​ലും വ​ലി​യ തു​ക ശമ്പള​യി​ന​ത്തി​ലും ന​ല്‍​കേ​ണ്ടി​വ​രും. പ്ര​വാ​സി​ക​ളെ നാ​ട്ടി​ലേ​ക്ക്​ കൊ​ണ്ടു​പോ​കാ​ന്‍ ക​ഴി​യി​ല്ലെ​ന്ന്​ ആ​വ​ര്‍​ത്തി​ച്ച്‌​ പ​റ​യു​ന്ന​വ​ര്‍ ഇ​ത്ത​ര​ക്കാ​രെ തി​രി​ച്ച​റി​യു​ന്നി​ല്ല എ​ന്ന​താ​ണ്​ സ​ത്യം.

ക​ട തു​റ​ക്കാ​താ​യി​ട്ട്​ ഒ​രു​ മാ​സ​മാ​യെ​ന്നും നി​ത്യ​ച്ചെ​ല​വി​നു പോ​ലും പ്ര​യാ​സ​പ്പെ​ടുമ്പോള്‍ ഏ​ഴു​മാ​സം ഗ​ര്‍​ഭി​ണി​യാ​യ ഭാ​ര്യ​യു​ടെ ആ​ശു​പ​ത്രി ചെ​ല​വി​നു​കൂ​ടി എ​ങ്ങ​നെ പ​ണം ക​ണ്ടെ​ത്തു​മെ​ന്ന്​ അ​റി​യാ​ത്ത അ​വ​സ്ഥ​യി​ലാ​ണെ​ന്നും ജിദ്ദയിൽ ഇ​ല​ക്​​ട്രോ​ണി​ക്​ ക​ട ന​ട​ത്തി​യി​രു​ന്ന ക​ണ്ണൂ​ര്‍ സ്വ​ദേ​ശി പ​റ​യു​ന്നു.

അതേ സമയം സഊദിയിൽ നിന്ന് നിരവധി രാജ്യങ്ങൾ തങ്ങളുടെ പൗരന്മാരെ നാട്ടിലേക്ക് കൊണ്ടുപോയി. ഈ മാതൃകയിൽ ഇന്ത്യയും തങ്ങളുടെ പൗരന്മാരെ നാട്ടിലെത്തിക്കണമെന്ന് വിവിധ പ്രവാസി സംഘടനകൾ കേന്ദ്ര സർക്കാരിനോട് ആവശ്യപ്പെട്ടു.
അതിനിടെ ഇന്ത്യയും പാകിസ്താനും ഉള്‍പ്പെടെയുള്ള രാജ്യങ്ങളിലേക്ക് മെയ് ആദ്യവാരത്തില്‍ വിമാന സര്‍വീസുണ്ടാകുമെന്ന് ചില കമ്പനികള്‍ക്ക് അറിയിപ്പ് ലഭിച്ചിട്ടുണ്ട്. എന്നാല്‍ വിമാനമിറങ്ങാന്‍ ഇന്ത്യ കൂടി അനുവദിച്ചാല്‍ മാത്രമേ ഇത് സാധിക്കൂ