ദുബായ്: യു.എ.ഇയില്‍ ഇന്ന് എട്ട് പേര്‍ കൊവിഡ് ബാധിച്ച് മരിച്ചു. ഇതോടെ രാജ്യത്തെ മരണസംഖ്യ 64 ആയി ഉയര്‍ന്നു. 525 പേര്‍ക്ക് കൂടി ഇന്ന് രോഗം സ്ഥിരീകരിച്ചു. മൊത്തം രോഗബാധിതരുടെ എണ്ണം 9281 ആയതായും ആരോഗ്യമന്ത്രാലയം അറിയിച്ചു.32,000 പേരില്‍ നടത്തിയ പരിശോധനകളില്‍ നിന്നാണ് പുതിയ കേസുകള്‍ കണ്ടെത്തിയത്.

അതേസമയം 123 പേര്‍ക്ക് ഇന്ന് രോഗം ഭേദമായി. രോഗവിമുക്തി നേടിയവര്‍ 1760 ആയി.

مستجدات الوضع الصحي والحالات المرتبطة بفيروس #كوفيد19 في دولة #الإمارات
الخميس 23 إبريل 2020

The latest developments on Coronavirus (Covid-19) in the #UAE pic.twitter.com/gkyRs7RSz5

— UAEGov (@uaegov) April 23, 2020

ഇന്ന് മരിച്ചവരില്‍ ഒരു മലയാളിയും ഉള്‍പ്പെട്ടതായി നേരത്തേ ബന്ധുക്കല്‍ സ്ഥിരീകരിച്ചിരുന്നു. തൃശൂര്‍ ചേറ്റുവ ചുള്ളിപ്പടി ചിന്നക്കല്‍കുറുപ്പത്ത് വീട്ടില്‍ ഷംസുദ്ദീനാണ് (65) ആണ് മരിച്ചത്. ഇന്ന് പുലര്‍ച്ചെ ദുബായ് ഖിസൈസിലെ സ്വകാര്യ ആശുപത്രിയിലായിരുന്നു മരണം. 45 വര്‍ഷമായി ദുബായ് പൊലീസിലെ മെയിന്റനന്‍സ് വിഭാഗം ജീവനക്കാരനായ ഷംസുദ്ദീന്‍ എട്ട് ദിവസം മുമ്പാണ് കൊവിഡ് ലക്ഷണങ്ങളോടെ ചികിത്സ തേടിയത്.

പിന്നീട് നടന്ന പരിശോധയില്‍ കൊവിഡ് സ്ഥിരീകരിച്ചതായി ബന്ധുക്കള്‍ പറഞ്ഞു. മൃതദേഹം കൊവിഡ് പ്രോട്ടോകോള്‍ അനുസരിച്ച് ദുബായില്‍ ഖബറടക്കും. ഈവര്‍ഷം പൊലീസ് സര്‍വീസില്‍ നിന്ന് വിരമിക്കാനിരിക്കെയാണ് മരണം.

ആശുപത്രികള്‍ക്കകത്തും പുറത്തുമായി പ്രതിദിനം 20,000-40,000 വരെ പരിശോധനകളാണ് രാജ്യം നടത്തുന്നത്. അതേസമയം തന്നെ പ്ലാസ്മ തെറാപിയും യു.എ.ഇ ഗവണ്‍മെന്റ് ആരംഭിച്ചിട്ടുണ്ട്.ആരോഗ്യ വകുപ്പിന്റെ നിര്‍ദ്ദേശങ്ങള്‍ കര്‍ശനമായി പാലിക്കണമെന്നും ആരോഗ്യമന്ത്രാലയം അറിയിച്ചു.