മെക്‌സിക്കോ സിറ്റി:  പത്രപ്രവര്‍ത്തകര്‍ക്കെതിരായ അതിക്രമങ്ങളില്‍ നടപടിയെടുക്കാത്തതില്‍ പ്രതിഷേധിച്ച് മെക്‌സിക്കോയിലെ പ്രാദേശിക പത്രം അച്ചടി നിര്‍ത്തി. പത്രപ്രവര്‍ത്തകര്‍ക്കെതിരായ അതിക്രമങ്ങള്‍ രാജ്യത്ത് പതിവായതാണ് ഇത്തരമൊരു നടപടിയടുക്കാന്‍ കാരണം.

തങ്ങളിറക്കുന്ന അവസാനത്തെ പ്രിന്റ് എഡിഷനായിരിക്കുമെന്ന് ഞായറാഴ്ചത്തെ പത്രത്തിന്റെ എഡിറ്റോറിയലില്‍ വ്യക്തമാക്കിയിരുന്നു.

കഴിഞ്ഞ മാസം പത്രത്തിന്റെ റിപ്പോര്‍ട്ടര്‍ മിറോസ്ലാവ ബ്രീച്ച്  വെടിയേറ്റു കൊല്ലപ്പെട്ടിരുന്നു. രാജ്യത്ത് മാര്‍ച്ചു മാസത്തില്‍ കൊല്ലപ്പെടുന്ന മൂന്നാമത്തെ റിപ്പോര്‍ട്ടറാണ് ബ്രീച്ച്.

പത്രപ്രവര്‍ത്തകരുടെ ജീവന് ഒരു ഗ്യരണ്ടിയുമില്ലാത്ത അവസ്ഥയാണ് രാജ്യത്തെന്ന് പത്രത്തിന്റെ എഡിറ്റര്‍ ചൂണ്ടിക്കാട്ടി.