മണ്ണാര്‍ക്കാട്: എസ്.കെ.എസ്.എസ്.എഫ് ട്രെന്‍ഡ് സ്റ്റേറ്റ് സമിതിയുടെ ആഭിമുഖ്യത്തില്‍ സംഘടിപ്പിക്കുന്ന സമ്മര്‍ സ്‌കൂളിന്റെ സംസ്ഥാന തല ഉദ്ഘാടനം മണ്ണാര്‍ക്കാട് ഇസ്‌ലാമിക് സെന്ററില്‍ എസ്.കെ.എസ്.എസ്.എഫ് സംസ്ഥാന ജന. സെക്രട്ടറി സത്താര്‍ പന്തലൂര്‍ നിര്‍വഹിച്ചു.
സംസ്ഥാന വൈസ് പ്രസിഡന്റ് ഹബീബ് ഫൈസി കോട്ടോപ്പാടം അധ്യക്ഷനായി. അബ്ദുറഹ്മാന്‍ മരുതൂര്‍ മുഖ്യ പ്രഭാഷണം നടത്തി.
സയ്യിദ് ശിഹാബുദ്ദീന്‍ ജിഫ്‌രി തങ്ങള്‍, ശമീര്‍ ഫൈസി കോട്ടോപ്പാടം, ജാസ് അലിഹാജി, സംസം ബഷീര്‍ അലനല്ലൂര്‍, അന്‍വര്‍ ഫൈസി കാഞ്ഞിരപ്പുഴ, ടി.ടി ഉസ്മാന്‍ ഫൈസി, ടി.കെ സുബൈര്‍ മൗലവി, ആരിഫ് ചങ്ങലീരി, അബൂഉബൈദ് ഹുദവി, അഫ്‌സല്‍ വാഫി, ഹസന്‍ വാഫി, കെ. മുഹമ്മദലി മാസ്റ്റര്‍ വടക്കുമണ്ണം, ആരിഫ് ഫൈസി തിരുവേഗപ്പുറ, കബീര്‍ അന്‍വരി നാട്ടുകല്‍, ഉബൈദ് മാസ്റ്റര്‍ ആക്കാട്, ശമീര്‍ മാസ്റ്റര്‍ സംബന്ധിച്ചു.
വിദ്യാര്‍ഥികളുടെ ഒഴിവുകാലങ്ങള്‍ കാര്യക്ഷമമാക്കുകയെന്ന ലക്ഷ്യത്തോടെ വിവിധ വിഷയങ്ങള്‍ കേന്ദ്രീകരിച്ച് 10 ദിവസത്തെ സഹവാസ ക്യാംപാണ് സമ്മര്‍ സ്‌കൂളിന്റെ ഭാഗമായി വിവിധ കേന്ദ്രങ്ങളില്‍ നടക്കുന്നത്.