ശ്രീനഗര്‍: അതിര്‍ത്തികടക്കാനായി അത്യാധുനിക ആയുധങ്ങളുമായി 200 ഭീകരര്‍ തയാറെടുക്കുന്നുവെന്ന രഹസ്യാന്വേഷണ റിപ്പോര്‍ട്ടിന്റെ പശ്ചാത്തലത്തില്‍ കശ്മിരില്‍ സുരക്ഷ കര്‍ശനമാക്കി.
നുഴഞ്ഞുകയറ്റത്തെക്കുറിച്ച് വ്യക്തമായ വിവരങ്ങള്‍ ലഭ്യമായിട്ടില്ലെങ്കിലും അതിര്‍ത്തി മേഖലയില്‍ ഏത് സാഹചര്യവും നേരിടാനുള്ള തയാറെടുപ്പിലാണ് സൈന്യമെന്ന് ലഫ്.ജനറല്‍ ആര്‍.ആര്‍. നിംഭോര്‍ക്കര്‍ അറിയിച്ചു.
അതേസമയം, കുപ് വാര ജില്ലയില്‍ ഇന്നലെ സൈന്യം ഒരു തീവ്രവാദിയെ വധിച്ചു. നേരിട്ടുള്ള ഏറ്റുമുട്ടലില്‍ ഒരു സൈനികന് പരുക്കേല്‍ക്കുകയും ചെയ്തിട്ടുണ്ട്. ഭീകരര്‍ ഒളിച്ചിരിയ്ക്കുന്നുണ്ടെന്ന സംശയത്തിന്റെ അടിസ്ഥാനത്തില്‍ തെരച്ചില്‍ തുടരുകയാണെന്നും സൈനിക വക്താവ് അറിയിച്ചു.