കൊല്ലം: ജിഷ്ണു പ്രണോയിയുടെ മാതാവിനും കുടുംബത്തിനും നേരെയുണ്ടായ പൊലിസ് അതിക്രമത്തില്‍ പ്രതിഷേധിച്ച് യു.ഡി.എഫ് സംസ്ഥാന വ്യാപകമായി ആഹ്വാനം ചെയ്ത ഹര്‍ത്താല്‍ തുടങ്ങി. ഹര്‍ത്താലനുകൂലികള്‍ കൊല്ലത്ത് വാഹനങ്ങള്‍ക്കു നേരെ അക്രമം അഴിച്ചുവിട്ടു. കൊല്ലം ഇരവിപുരത്താണ് നിര്‍ത്തിയിട്ടിരുന്ന വാഹനങ്ങള്‍ ഹര്‍ത്താല്‍ അനുകൂലികള്‍ തല്ലിത്തകര്‍ത്തത്. ആര്‍ക്കും പരുക്ക് പറ്റിയതായി റിപ്പോര്‍ട്ടില്ല.