തൃക്കരിപ്പൂര്‍: ഫുട്‌ബോള്‍ ടൂര്‍ണമെന്റിലെ പ്രൈസ് മണി സാന്ത്വന പരിചരണത്തിന് സമ്മാനിച്ച് ഫുട്‌ബോള്‍ ടീം മാതൃകയായി.
ടൗണ്‍ എഫ്.സി തൃക്കരിപ്പൂര്‍ ജൂനിയര്‍ ടീമാണ് ഉദിനൂര്‍ കിട്ടന്‍ മാഷ് സ്മാരക ടൂര്‍ണമെന്റില്‍ നേടിയ പ്രൈസ് മണിയാണ് തൃക്കരിപ്പൂര്‍ പാലിയേറ്റീവ് കെയര്‍ സൊസൈറ്റിക്ക് കൈമാറിയത്. പാലിയേറ്റീവ് കെയര്‍ സൊസൈറ്റി ഹാളില്‍ നടന്ന ചടങ്ങില്‍ ചെയര്‍മാന്‍ ഡോ. സി.കെ.പി.കുഞ്ഞബ്ദുള്ള ടീം അംഗങ്ങളില്‍ നിന്നും തുക ഏറ്റുവാങ്ങി. പാലിയേറ്റീവ് കെയര്‍ സൊസൈറ്റി ഭാരവാഹികളായ എം.ടി.പി മുഹമ്മദ്കുഞ്ഞി, കെ.പി.സി മുഹമ്മദ് കുഞ്ഞി, ടി.പി സിറാജ് സംസാരിച്ചു. ക്ലബ്ബ് പ്രതിനിധികളായ എ.ജി അക്ബര്‍, എം മുബഷിര്‍, എ.ജി ശിഹാബ് എന്നിവര്‍ നേതൃത്വം നല്‍കി.