കണ്ണൂര്‍: എസ്.കെ.എസ്.എസ്.എഫ് നാഷനല്‍ കാംപസ് കാള്‍ മാര്‍ച്ച് രണ്ടുമുതല്‍ നാലുവരെ പയ്യന്നൂര്‍ രാമന്തളിയില്‍ നടക്കും. രാജ്യത്തെ വിവിധ സ്ഥാപനങ്ങളില്‍ പഠിക്കുന്ന രണ്ടായിരത്തോളം പ്രൊഫഷനല്‍, ആര്‍ട്‌സ് ആന്‍ഡ് സയന്‍സ് വിദ്യാര്‍ഥികള്‍ പങ്കെടുക്കുന്ന കാംപസ് കാളില്‍ സംരംഭകത്വം, ഗവേഷണം, പ്രബോധനം, സന്നദ്ധ സേവനം, കലിഗ്രഫി തുടങ്ങിയ സെഷനുകളില്‍ പ്രമുഖര്‍ നേതൃത്വം നല്‍കും. മാര്‍ച്ച് ഒന്നിനു വൈകിട്ട് മൂന്നിന് പയ്യന്നൂരില്‍ വിളംബര ജാഥ നടക്കും. രണ്ടിനു വൈകിട്ട് നാലിന് സമസ്ത ജനറല്‍സെക്രട്ടറി പ്രൊഫ്ര. കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
വിവിധ ദിവസങ്ങളില്‍ പാണക്കാട് സാദിഖലി ശിഹാബ് തങ്ങള്‍, പാണക്കാട് അബ്ബാസലി ശിഹാബ് തങ്ങള്‍, പാണക്കാട് ഹമീദലി ശിഹാബ് തങ്ങള്‍, പി.കെ.പി അബ്ദുസലാം മുസ്‌ലിയാര്‍, പി.പി ഉമര്‍ മുസ്‌ലിയാര്‍, മാണിയൂര്‍ അഹ്മദ് മുസ്‌ലിയാര്‍, മുഹമ്മദ് കോയ തങ്ങള്‍ ജമലുല്ലൈലി, കമാല്‍കുട്ടി ഐ.എ.എസ്, അബ്ദുല്‍ഹമീദ് ഫൈസി അമ്പലക്കടവ്, അബ്ദുസലാം ഫൈസി ഒളവട്ടൂര്‍, റഹ്മതുല്ലാഹ് ഖാസിമി മൂത്തേടം, അബ്ദുല്‍ഹകീം ഫൈസി ആദൃശ്ശേരി, എസ്.വി മുഹമ്മദലി, ഓണംപിള്ളി മുഹമ്മദ് ഫൈസി, സത്താര്‍ പന്തലൂര്‍, ഡോ. സലീം നദ്‌വി വെളിയമ്പ്ര, ബശീര്‍ഫൈസി ദേശമംഗലം, അബ്ദുല്‍ വഹാബ് ഹൈത്തമി, റഫീഖ് സകരിയ്യ ഫൈസി, സാലിം ഫൈസി കൊളത്തൂര്‍ എന്നിവര്‍ പങ്കെടുക്കും.