ന്യൂഡല്‍ഹി: ഗവര്‍ണറുടെ വസതിയില്‍ ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍ നടത്തുന്ന കുത്തിയിരിപ്പ് സമരത്തിന് പിന്തുണ പ്രഖ്യാപിച്ച് ചലചിത്ര താരം പ്രകാശ് രാജും. ട്വിറ്റര്‍ വഴിയാണ് അദ്ദേഹം പിന്തുണ അറിയിച്ചത്.

ഫിറ്റ്‌നസ് ചലഞ്ചുമായി നടക്കുന്ന പ്രധാനമന്ത്രിയം കണക്കിന് കളിയാക്കുന്നുമുണ്ട് അദ്ദേഹം.
'യോഗയും വ്യായാമവുമായി പ്രധാനമന്ത്രി ഫിറ്റ്‌നസ് ചലഞ്ചിന്റെ തിരക്കിലാണെന്ന് അറിയാം. ദീര്‍ഘ ശ്വാസമെടുക്കാന്‍ ഒരു നിമിഷം ചെലവിടാമോ... ഒന്ന് ചുറ്റും നോക്കുക... ഉദ്യോഗസ്ഥരോട് കെജ്‌രിവാളിനൊപ്പം ജോലി ചെയ്യാന്‍ പറയുക (അദ്ദേഹം യഥാര്‍ഥത്തില്‍ നല്ല കാര്യമാണ് ചെയ്യുന്നത്).നിങ്ങളുടെ ജോലിയും ചെയ്യുക' പ്രകാശ് രാജ് ട്വീറ്റ് ചെയ്തു.

Dear supreme leader.. we know u r busy with Fitbit challenge..yoga n EXERCISE..can u spare a minute and take a deep breath.. look around ...and instruct bureaucrats to work with Chief Minister Kejriwal...(who is actually doing a good job ) and EXERCISE your DUTY too..#justasking

— Prakash Raj (@prakashraaj) June 17, 2018