തിരുവനന്തപുരം: എസ്.കെ.എസ്.എസ്.എഫ് തിരുവനന്തപുരം ജില്ലാ കമ്മിറ്റി ജില്ലയിലുടനീളം നടത്തി വന്ന റിലീഫ് വിതരണവും ഇഫ്താര്‍സംഗമവും പെരുമാതുറയില്‍ സമാപിച്ചു.
ബീമാപള്ളി, വിഴിഞ്ഞം, ബാലരാമപുരം, കണിയാപുരം, വേളി, കണിയാപുരം പള്ളിനട, ചാന്നാങ്കര, വര്‍ക്കല, ആറ്റിങ്ങല്‍ തുടങ്ങിയ സ്ഥലങ്ങളിലാണ് റിലീഫ് വിതരണം നടത്തിയത്. കഴിഞ്ഞ ദിവസം പെരുമാതുറയില്‍ നടന്ന സമാപന സമ്മേളനത്തില്‍ സക്കീര്‍ മുസ്ലിയാര്‍ അധ്യക്ഷത വഹിച്ചു.
സമസ്ത കേരള ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് ഷറഫുദ്ദീന്‍ ബാഖവി ഉദ്ഘാടനം നിര്‍വഹിച്ചു. കണിയാപുരം മുസ്ലിം ജമാഅത്ത് ഇമാം അന്‍വറുദ്ദീന്‍ അന്‍വരി മുഖ്യപ്രഭാഷണം നടത്തി. പെരുമാതുറ വലിയ പള്ളി ഇമാം സത്താര്‍ നദ് വി അവാര്‍ഡ് ദാനം നിര്‍വഹിച്ചു.
ചികിത്സാ സഹായം എസ്.കെ.എസ്.എസ്.എഫ് ജില്ലാ സെക്രട്ടറി അസിം മുഹമ്മദും റിലീഫ് വിതരണം കെ.എം.വൈ.എഫ് ജില്ലാ പ്രസിഡന്റ് അല്‍അമീന്‍ റഹ്മാനിയും നിര്‍വഹിച്ചു. ഷാനവാസ് മാസ്റ്റര്‍
കണിയാപുരം, ഷാജുദ്ദീന്‍ ചിറയ്ക്കല്‍, സുല്‍ഫിക്കര്‍, ഷെഫീഖ് മന്നാനി, അല്‍ അമീന്‍ മന്നാനി, സിദ്ദീഖ് പെരുമാതുറ, അബ്ബാസ് അസ് ലമി, നിജാസ്, ഷിയാസ്, അല്‍ അമീന്‍ എന്നിവര്‍ സംസാരിച്ചു.