ആനക്കര:മേലേഴിയം ജി.എല്‍.പി സ്‌കൂള്‍ വാര്‍ഷികവും യാത്രയയപ്പ് സമ്മേളനവും ജില്ലാ പഞ്ചായത്ത് വൈസ് പ്രസിഡന്റ് ടി.കെ. നാരായണദാസ് ഉദ്ഘാടനം ചെയ്തു. ആനക്കര പഞ്ചായത്ത് പ്രസിഡന്റ് സിന്ധു രവീന്ദ്രകുമാര്‍ അധ്യക്ഷയായി. ബ്ലോക്ക് പഞ്ചായത്ത് വൈസ് പ്രസിഡന്റ് എം.കെ. പ്രദീപ് വിരമിക്കുന്ന ഹെഡ് മാസ്റ്റര്‍ സതീശന്‍ മാസ്റ്റര്‍ക്ക് പി.ടി.എയുടെ ഉപഹാരം നല്‍കി. പഞ്ചായത്ത് വൈസ് പ്രസിഡന്റ് പി. വേണുഗോപാലന്‍ നാട്ടുകാരും പൂര്‍വ വിദ്യാര്‍ഥികളും ചേര്‍ന്ന് നല്‍കുന്ന ഉപഹാരം നല്‍കി. ബ്ലോക്ക് പഞ്ചായത്ത് മെമ്പര്‍ പി. ബാലകൃഷ്ണന്‍ പൊന്നാട ചാര്‍ത്തി. പി. ദിവ്യ, സി.ടി. സെയ്തലവി, പി.വി. കുഞ്ഞന്‍, പി.എം. മധു, എന്‍.കെ. സുബ്രഹ്മണ്യന്‍, എം.ടി. പ്രേമചന്ദ്രന്‍, സി. രാജു, പി. വിജയകുമാര്‍, എന്‍.കെ. രാമദാസ്, ധന്യ ടീച്ചര്‍, ഷീജ ടീച്ചര്‍, പി.ടി.എ പ്രസിഡന്റ് പി. ശിവദാസ് പ്രസംഗിച്ചു.