പാലക്കാട്: എസ്.കെ.എസ്.എസ്.എഫ് മദീന പാഷന്‍ ജില്ലാ സമ്മേളനത്തിന്റെ പ്രചരണാര്‍ഥം സമസ്ത കേരള സുന്നീ ബാലവേദി നാളെ മെസ്സേജ് ഡെ ആയി ആചരിക്കും.
സാമൂഹ്യ മാധ്യമങ്ങളായ ഫെയ്‌സ്ബുക്ക്, വാട്‌സ് ആപ്പ്, ഈ മെയില്‍ തുടങ്ങിയ സംവിധാനങ്ങളിലൂടെ സമ്മേളന സന്ദേശം കൈമാറും. മെസ്സേജ് ഡെയുടെ ഉദ്ഘാടനം എസ്.കെ.എസ്.എസ്.എഫ് സംസ്ഥാന അധ്യക്ഷന്‍ പാണക്കാട് സയ്യിദ് ഹമീദലി ശിഹാബ് തങ്ങള്‍ നിര്‍വഹിക്കും.
ജില്ലാ പ്രസിഡന്റ് മുനാഫര്‍ ഒറ്റപ്പാലം അധ്യക്ഷനാകും. ഉബൈദ് അന്‍വരി കാരക്കാട്, സലാം അഷ്‌റഫി വിളത്തൂര്‍, മനാഫ് കോട്ടോപ്പാടം, റിയാസ് കൊപ്പം, സയ്യിദ് അജ്മീറലി പാലക്കാട്, മുഹ്‌സിന്‍ മഠത്തിപ്പറമ്പ്, മുബശ്ശിര്‍ ചുങ്കത്ത്, അസ്ലഹ് കൊടലൂര്‍, നിയാസ് അലി കൊമ്പം സംബന്ധിക്കും.