ധാക്ക: ബംഗ്ലാദേശില്‍ ഈദ് നിസ്‌കാരത്തിനിടെയുണ്ടായ സ്‌ഫോടനത്തില്‍ ഒരു പൊലിസുകാരനടക്കം നാലു പേര്‍ കൊല്ലപ്പെട്ടു. ഒന്‍പത് പേര്‍ക്ക് പരുക്കേറ്റു.

തലസ്ഥാനമായ ധാക്കയില്‍ നിന്നും 100 കിലോമീറ്റര്‍ അകലെ കിഷോര്‍ഗഞ്ചിലാണ് രാവിലെ സ്‌ഫോടനമുണ്ടായത്. ബംഗ്ലാദേശിലെ ഏറ്റവും കൂടുതല്‍ ആളുകള്‍ പങ്കെടുക്കുന്ന ഈദ് നിസ്‌കാരമാണ് കിഷോര്‍ഗഞ്ചിലേത്. മൈതാനത്തിന്റെ പ്രവേശന കവാടത്തിലാണ് സ്‌ഫോടനമുണ്ടായത്. മൂന്ന് ലക്ഷത്തോളം ആളുകളാണ് ഈദ് നിസ്‌ക്കാരത്തിനായി അവിടെ എത്തിയിരുന്നത്.

കഴിഞ്ഞ വെള്ളിയാഴ്ച ധാക്കയിലെ കഫേയില്‍ ഭീകരര്‍ നടത്തിയ ആക്രമണത്തില്‍ രണ്ട് പോലീസുകാര്‍ ഉള്‍പ്പെടെ 22 പേര്‍ കൊല്ലപ്പെട്ടിരുന്നു