ബെയ്ജിങ്: ഇന്ത്യയെയും പാകിസ്താനെയും ഒരിക്കലും ആണവശക്തികളായി തങ്ങള്‍ അംഗീകരിച്ചിട്ടില്ലെന്ന് ചൈന. ഉത്തര കൊറിയയ്ക്കും അത്തരമൊരു പദവി നല്‍കില്ലെന്നും ചൈന അറിയിച്ചു. ചൈനീസ് വിദേശകാര്യ വക്താവ് ലൂ കാങ് ആണ് നിലപാട് വ്യക്തമാക്കിയത്. വിയറ്റ്‌നാമില്‍ ട്രംപ്-കിം ചര്‍ച്ചയുടെ പശ്ചാത്തലത്തില്‍ ഇന്ത്യയെയും പാകിസ്താനെയും പോലെ ഉ.കൊറിയയെയും ആണവശക്തിയായി ചൈന അംഗീകരിക്കുമോയെന്ന മാധ്യമ പ്രവര്‍ത്തകരുടെ ചോദ്യത്തോട് പ്രതികരിക്കുകയായിരുന്നു ലൂ കാങ്. 48 അംഗ ആണവ വിതരണ രാജ്യങ്ങളുടെ സംഘമായ എന്‍.എസ്.ജിയില്‍ അംഗത്വം സ്വന്തമാക്കാനുള്ള ഇന്ത്യയുടെ ശ്രമങ്ങളെ ചൈന പലതവണ തടഞ്ഞിരുന്നു.