കോഴിക്കോട്: ഇ.വി കുമാരന്‍, ടി.സി ഗോപാലന്‍ മാസ്റ്റര്‍ എന്നിവരുടെ നാമധേയത്തിലുള്ള സഹകരണ അവാര്‍ഡുകള്‍ വിതരണം ചെയ്തു. ജില്ലാ ബാങ്ക് ഓഡിറ്റോറിയത്തില്‍ നടന്ന ചടങ്ങില്‍ മന്ത്രി കടകംപള്ളി സുരേന്ദ്രന്‍ അവാര്‍ഡുകള്‍ വിതരണം ചെയ്തു. സംസ്ഥാന സഹകാരി അവാര്‍ഡ് യു.എല്‍.സി.സി ചെയര്‍മാന്‍ രമേശന്‍ പാലേരി, ജില്ലാ സഹകാരി അവാര്‍ഡ് എം.സി നാരായണന്‍ നമ്പ്യാര്‍ എന്നിവര്‍ ഏറ്റുവാങ്ങി. സഹകരണ സംഘം ജോയിന്റ് രജിസ്ട്രാര്‍ കെ. ഉദയഭാനും അധ്യക്ഷനായി. കണ്‍സ്യൂമര്‍ ഫെഡ് ചെയര്‍മാന്‍ എം. മെഹബൂബ് അവാര്‍ഡ് ജേതാക്കളെ ഷാള്‍ അണിയിച്ചു. പി.കെ പുരുഷോത്തമന്‍ പ്രശസ്തി പത്രം വായിച്ചു. അഡ്വ. ജി.സി പ്രശാന്ത്കുമാര്‍, കെ.ടി അനില്‍കുമാര്‍, പി. പ്രദീപ്കുമാര്‍ സംസാരിച്ചു. കെ.പി അജയകുമാര്‍ സ്വാഗതവും പി.കെ ശിവപ്രകാശ് നന്ദിയും പറഞ്ഞു.