ദുബായ്: യു.എ.ഇയില്‍ ഏഴ് പേര്‍ കൂടി കൊവിഡ് ബാധിച്ച് മരിച്ചു. വിവിധ രാജ്യക്കാരായ ഏഴ് പേര്‍ക്കും നേരത്തെ ശ്വാസകോശ സംബന്ധിയായ അസുഖത്താല്‍ ചികിത്സയില്‍ കഴിഞ്ഞവരായിരുന്നു. വൈറസ് ബാധയെ തുടര്‍ന്ന് അവസ്ഥ വഷളാവുകയായിരുന്നെന്ന് ആരോഗ്യ മന്ത്രാലയം അറിയിച്ചു. ഇതോടെ രാജ്യത്തെ കൊവിഡ് മരണസംഖ്യ 126 ആയെന്നും മന്ത്രാലയം അറിയിച്ചു.

ഒറ്റദിവസം കൊണ്ട് നടത്തിയ 26,000 കൊവിഡ് ടെസ്റ്റുകളില്‍ നിന്നും പുതുതായി 564 പേര്‍ക്കാണ് രോഗബാധ സ്ഥിരീകരിച്ചത്. രാജ്യത്ത് മൊത്തം റിപ്പോര്‍ട്ട് ചെയ്ത കൊവിഡ് പോസിറ്റീവ് കേസുകള്‍ 14,163 ആയി. അതേസമയം 99 പേര്‍ രോഗമുക്തരായതായി മാനവ വിഭവ ശേഷി മന്ത്രാലയം അറിയിച്ചു.

യു.എ.ഇയിലെ ഇന്നത്തെ കൊവിഡ്-19 നില

• പുതിയ പോസിറ്റീവ് കേസുകള്‍: 564
• ആകെ റിപ്പോര്‍ട്ട് ചെയ്ത കേസുകള്‍: 14,163
• മരണം: 7
• ആകെ മരണം: 126
• രോഗം ഭേതമായവര്‍: 99
• ആകെ രോഗവിമുക്തര്‍: 2,763

രാജ്യത്തെ മുഴുവന്‍ പൗരന്മാരും താമസക്കാരും വേണ്ട മുന്‍കരുതല്‍ നടപടികള്‍ സ്വീകരിക്കണമെന്നും ആരോഗ്യ മന്ത്രാലയം നിര്‍ദ്ദേശങ്ങള്‍ കര്‍ശനമായും പാലിക്കണമെന്നും അധികൃതര്‍ അറിയിച്ചു.

تُعلن وزارة الصحة عن تسجيل 564 إصابة جديدة بـ #فيروس_كورونا_المستجد، و99 حالة شفاء، بالإضافة إلى 7 حالات وفاة بسبب مضاعفات المرض.

The Ministry of Health registers 564 new cases of #Coronavirus, 99 recoveries and 7 death cases due to complications. pic.twitter.com/p3Ubv4vxBA

— NCEMA UAE (@NCEMAUAE) May 3, 2020