കയ്പമംഗലം: യുവതയുടെ മഹത്വം കാലത്തിന്റെ കരുത്ത് എന്ന പ്രമേയമുയര്‍ത്തിപ്പിടിച്ച് എസ്.വൈ.എസ് കയ്പമംഗലം മണ്ഡലം കമ്മിറ്റിയുടെ ആഭിമുഖ്യത്തില്‍ പുതിയകാവ് ഇല്‍ഫത്തുല്‍ ഇസ്‌ലാം മദ്‌റസയില്‍ സംഘടിപ്പിക്കുന്ന മണ്ഡലം കണ്‍വന്‍ഷന്‍ ഇന്ന് നടക്കും. ഉച്ചക്ക് രണ്ടിന് ആരംഭിക്കുന്ന കണ്‍വന്‍ഷന്‍ എസ്.വൈ.എസ് ജില്ലാ ജനറല്‍ സെക്രട്ടറി ശറഫുദ്ദീന്‍ മൗലവി വെന്‍മേനാട് ഉദ്ഘാടനം ചെയ്യും.
മണ്ഡലം പ്രസിഡന്റ് ഹുസൈന്‍ തങ്ങള്‍ അധ്യക്ഷനാവും. സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ അംഗം സയ്യിദ് മുഹമ്മദ്‌കോയ ബാ അലവി അല്‍ഖാസിമി പ്രാര്‍ഥന നിര്‍വഹിക്കും. കെ.എസ് മുഹമ്മദ്‌മോന്‍ വിശിഷ്ടാഥിതിയായി പങ്കെടുക്കും. അബ്ദുല്ലാ ബാഖവി പല്ലാരിമംഗലം, ഷംസുദ്ദീന്‍ ഫാളില്‍ വഹബി എന്നിവര്‍ പ്രമേയാവതരണം നടത്തും. മുബാറക് ടി.എസ്, മുഹമ്മദ് റാഫിഅ് അന്‍വരി, സഗീര്‍ മുസ്‌ലിയാര്‍, ഷിഹാബുദ്ദീന്‍ മാസ്റ്റര്‍ സംബന്ധിക്കും.