പെരിന്തല്‍മണ്ണ: വഴിയില്‍ നിന്ന് വീണുകിട്ടിയ സ്വര്‍ണാഭരണം  തിരിച്ചുനല്‍കി പെരിന്തല്‍മണ്ണ ട്രാഫിക്ക് പൊലിസുദ്യോഗസ്ഥ മാതൃകയായി.
കരിങ്കല്ലത്താണി ട്രാഫിക്കില്‍ ഡ്യൂട്ടി ചെയ്തിരുന്ന  ട്രാഫിക്ക് വാര്‍ഡന്‍ പ്രേമലത സ്വര്‍ണാഭരണം എസ്.ഐ യെ ഏല്‍പ്പിക്കുകയായിരുന്നു. തുടര്‍ന്ന് പത്രവാര്‍ത്ത നല്‍കിയതിനെ തുടര്‍ന്ന് ഉടമയായ തൂത ചുണ്ടമ്പറ്റ ഷമീറക്ക് ഒന്നേമുക്കാല്‍ പവന്‍ വരുന്ന  സ്വര്‍ണാഭരണം തിരികെ നല്‍കി. ട്രാഫിക്ക് ഇന്‍സ്‌പെക്ടര്‍ ജോണ്‍സണ്‍, ട്രാഫിക് വാര്‍ഡന്‍ പ്രേമലത, മനോജ് മംഗലശേരി എന്നിവരുടെ നേതൃത്വത്തില്‍ സ്വര്‍ണാഭരണം ഉടമക്ക് കൈമാറി.