തായ്‌പേയ്: തായ്‌വാന്‍ തലസ്ഥാനമായ തായ്‌പേയില്‍ ട്രെയിനില്‍ ഉണ്ടായ സ്‌ഫോടനത്തില്‍ 24 പേര്‍ക്ക് പരുക്കേറ്റു. ഇന്നലെ അര്‍ധരാത്രിയോടെ സോങ്ഷന്‍ റെയില്‍വേ സ്റ്റേഷനിലായിരുന്നു സ്‌ഫോടനം. അകത്ത് സ്‌ഫോടക വസ്തുക്കളടങ്ങിയ പടക്കം പോലുള്ള പൊട്ടിയ കുഴല്‍ പൊലിസ് സംഭവസ്ഥലത്തുനിന്ന് കണ്ടെടുത്തു. എന്നാല്‍ അപകടത്തിനുള്ള സാധ്യതയും പൊലിസ് തള്ളിക്കളയുന്നില്ല.

അതിനിടെ ചതുരത്തിലുള്ള ഒരു വസ്തുവുമായി സ്‌ഫോടനത്തിന് തൊട്ടുമുന്‍പ് ഒരാള്‍ ട്രെയിനില്‍ പ്രവേശിക്കുന്നത് കണ്ടുവെന്ന് ദൃക്‌സാക്ഷികളിലൊരാള്‍ പറഞ്ഞു. അന്വേഷണം തുടരുമെന്ന് പൊലിസ് അധികൃതര്‍ വ്യക്തമാക്കി.