പയ്യന്നൂര്‍: രാമന്തളിയിലെ നാവിക അക്കാദമിയുടെ മാലിന്യ പ്ലാന്റ് അടച്ചു പൂട്ടണമെന്നാവശ്യപ്പെട്ട് ജന ആരോഗ്യ സംരക്ഷണ സമിതിയുടെ സമരപന്തലില്‍ ഒന്‍പതു ദിവസമായി നിരാഹാരം അനുഷ്ഠിക്കുന്ന കെ.എം അനില്‍ കുമാറിനെ ആരോഗ്യനില മോശമായതിനെ തുടര്‍ന്ന് പൊലിസ് അറസ്റ്റു ചെയ്തു താലൂക്ക് ആശുപത്രിയിലേക്ക് മാറ്റി. സമരസമിതി നിര്‍വാഹക സമിതി അംഗം ടി.കെ മനോജ് കുമാര്‍ നിരാഹാരം ആരംഭിച്ചു. മനോജ് കുമാറിനെ കെ.പി.സി നാരായണ പൊതുവാള്‍ ഷാള്‍ അണിയിച്ചു. ജന ആരോഗ്യ സംരക്ഷണ സമിതിയുടെ അനിശ്ചിതകാല സമരം 40 ദിവസം പിന്നിട്ടു.