ന്യൂഡല്‍ഹി: തലസ്ഥാന നഗരിയില്‍ ജര്‍മന്‍ യുവാവിന് നേരെ ആക്രമണം. വെള്ളിയാഴ്ച രാത്രി 11 ഓടെയാണ് സംഭവം.
 ചാന്ദ്‌നി ചൗക്കില്‍ നിന്ന് കശ്മിര്‍ ഗെയ്റ്റ് പ്രദേശത്തേക്ക് പോകുന്നതിനിടെയാണ് 19കാരനായ ബെഞ്ചമിന്‍ സ്‌കോട്ടിന് നേരെ ആക്രമണം ഉണ്ടായത്. യുവാവിനെ ബ്ലേഡ് ഉപയോഗിച്ച് പരിക്കേല്‍പ്പിച്ച അക്രമികള്‍ കൈവശമുണ്ടായിരുന്ന പണം കവരുകയും ചെയ്തു.
പരിക്കേറ്റ യുവാവിനെ ഉടന്‍ തന്നെ പ്രദേശത്തെ സര്‍ക്കാര്‍ ആശുപത്രിയില്‍ പ്രവേശിപ്പിച്ചു.