റിയാദ്: സഊദിയിൽ ഹൈവേയിൽ യാത്രക്കിടെ ഒട്ടകവുമായി കൂട്ടിയിടിച്ചുണ്ടായ വാഹനാപകടത്തിൽ ഇന്ത്യക്കാരൻ ഉൾപ്പെടെ രണ്ടു പേർ മരിച്ചു. ഉത്തര്‍ പ്രദേശ് പ്രതാപ്ഗഡ് ജില്ലയിലെ അകേറ്റി സ്വദേശിയായ അഹ്മദ് ഹുസൈന്‍ (46)ആണ് മരിച്ച ഇന്ത്യക്കാരന്‍. തത്‌ലീസ് ഹൈവേയലുണ്ടായ അപകടത്തിൽ ഇന്ത്യക്കാരൻ ഓടിച്ചിരുന്ന വാഹനം ഒട്ടകത്തെ ഇടിച്ചാണ് അപകടമുണ്ടായത്. മൂന്നു മാസം മുമ്പാണ് ഇദ്ദേഹം സഊദിയിൽ എത്തിയത്. നടപടികള്‍ പൂര്‍ത്തീകരിച്ചു തത്‌ലീസില്‍ ഖബറടക്കം നടത്തി. ഭാര്യയും മൂന്ന് കുട്ടികളുമുണ്ട്. നിയമ നടപടികള്‍ പൂര്‍ത്തീകരിക്കുവാന്‍ കെഎംസിസി വാദിദവാസിര്‍ സെന്‍ട്രല്‍ കമ്മിറ്റി പ്രസിഡന്റ് കന്നേറ്റി ഷറഫുദ്ദീന്‍ ഒപ്പമുണ്ടായിരുന്നു.