കടബ: മംഗളൂരു-ബംഗളൂരു പാതയിലെ നെല്ലിയാടി ലാവത്തടുക്കയില്‍ ടാങ്കര്‍ ലോറി മറിഞ്ഞതിനെ തുടര്‍ന്ന് പാചകവാതകം ചോര്‍ന്നു.
കഴിഞ്ഞ ദിവസം രാത്രിയോടെയാണ് പാചകവാതകവുമായി പോവുകയായിരുന്ന ടാങ്കര്‍ ലോറി മറിഞ്ഞത്. അമിതവേഗതയാണ് ടാങ്കര്‍ ലോറി മറിയാനിടയാക്കിയത്.
പാചകവാതകം ചോര്‍ന്നതിനെ തുടര്‍ന്ന് ഇതുവഴിയുള്ള ഗതാഗതം തടഞ്ഞു. ബംഗളൂരു, മംഗളൂരു ഭാഗത്തേക്കുള്ള വാഹനങ്ങള്‍ ഉപ്പിനങ്ങാടി, കടബ, കൈക്കമ്പ, ഗുണ്ടിയ വഴി തിരിച്ചുവിട്ടു.