ആലുവ: ത്യാഗത്തിന്റെയും സാഹോദര്യത്തിന്റെയും ഐക്യത്തിന്റെയും സന്ദേശമാണ് പരിശുദ്ധ ഹജ്ജ് നല്‍കുന്നതെന്ന് പ്രമുഖ ഹജ്ജ് കര്‍മ്മശാസ്ത്ര പണ്ഡിതന്‍ അബൂബക്കര്‍ അല്‍ ഖാസിമി മൗലവി പിറഞ്ഞു. ആലുവ ഹജ്ജ് സെല്ലിന്റെ നേതൃത്വത്തില്‍ ആലുവ സെന്‍ട്രല്‍ ജുമാ മസ്ജിദില്‍ ഒരാഴ്ച്ച നീണ്ട് നില്‍ക്കുന്ന ഹജ്ജ് പഠന പരീശീലന ക്ലാസ്സില്‍ മുഖ്യ പ്രഭാഷണം നടത്തി സംസാരിക്കുകയായിരുന്നു അദ്ദേഹം .ദേശത്തിന്റെയും ഭാഷയുടെയും വര്‍ണ വര്‍ഗ്ഗത്തിന്റെയും വ്യത്യാസങ്ങളിലില്ലാതെ പ്രാദേശികമായ എല്ലാ വിഭാഗീയതകളും വൈരവും വെടിഞ്ഞ് മനുഷ്യന്‍ ഒന്നാണ് എന്ന സ്‌നേഹ സന്ദേശമാണ് ഹജ്ജ് കര്‍മ്മത്തിലൂടെ പൂവണിയുന്നത് .സത്യവിശ്വാസിയുടെ ജീവിതാഭിലാഷമാണ് ഹജ്ജെന്നും നിബന്ധനകള്‍ ഒത്തു കഴിഞ്ഞാല്‍ പിന്നെ ഹജ്ജ് വൈകിക്കന്നത് ഒട്ടും ഭൂഷണമല്ലയെന്നും അദ്ദേഹം പറഞ്ഞു. മസ്ജിദ് ഇമാം കെ.എം ബഷീര്‍ ഫൈസി അദ്യക്ഷത വഹിച്ചു.
ഹജ്ജ് സെല്‍ കണ്‍വീനര്‍ ടി.എസ് മൂസാ ഹാജി, പ്രോഗ്രാം കോഓര്‍ഡിനേറ്റര്‍ കെ.കെ.അബ്ദുള്‍ സലാം ഇസ്ലാമിയ, സെയ്ദ് മുഹമ്മദ്, കെ.കെ.അബ്ദുള്ള ,മുഹമ്മദ് അലിമുദ്ദീന്‍ മൗലവി എന്നിവര്‍ സംബന്ധിച്ചു. എല്ലാ ദിവസവും വൈകിട്ട് ഏഴ് മുതല്‍ ഒന്‍പത് വരെയാണ് ഹജ്ജ് പഠനക്ലാസ് സ്ത്രികള്‍ നമസ്‌കരിക്കന്നതിന് പ്രത്യേക സൗകര്യം ഒരുക്കിയിട്ടുണ്ട്. സര്‍ക്കാര്‍, സ്വകാര്യ ഹജ്ജ് ഗ്രൂപ്പ് വഴി പോകുന്ന ജില്ലയിലെ എല്ലാ ഹാജിമാരും ക്ലാസ് ഉപയോഗപ്പെടുത്തണമെന്ന് അറിയിച്ചു.ജൂണ്‍ 24ന് ഞായറാഴ്ച്ച ക്ലാസ്സ് സമാപിക്കും. കൂടതല്‍ വിവരങ്ങള്‍ക്ക് : 98470 63788, 98952 05356,99953 26531, 0484 2624355 എന്നി ഫോണ്‍ നമ്പറുകളില്‍ ബന്ധപ്പെടുക.