കൊണ്ടോട്ടി: ദുബൈയില്‍ നിന്നെത്തിയ യാത്രക്കാരന്‍ ശരീരത്തിലെ മലദ്വാരത്തില്‍ ഒളിപ്പിച്ചു കടത്തിയ മൂന്ന് സ്വര്‍ണ ബിസ്‌ക്കറ്റുകള്‍ കരിപ്പൂര്‍ എയര്‍ കസ്റ്റംസ് ഇന്റലിജന്‍സ് പിടികൂടി.
ഇന്നലെ രാവിലെ പത്തിന് ദുബൈയില്‍ നിന്ന് ഇന്‍ഡിഗോ വിമാനത്തില്‍ കരിപ്പൂരിലെത്തിയ കോഴിക്കോട് പാലാഴി സ്വദേശിയില്‍ നിന്നാണ് 348 ഗ്രാം സ്വര്‍ണം കസ്റ്റംസ് പിടികൂടിയത്.
   കസ്റ്റംസ് പരിശോധനക്കെത്തിയ യാത്രക്കാരന്റെ നടത്തത്തില്‍ സംശയം തോന്നിയ അധികൃതര്‍ ചോദ്യം ചെയ്തപ്പോഴാണ് സ്വര്‍ണക്കടുത്ത് സമ്മതിച്ചത്.
116 ഗ്രാം വീതമുള്ള മൂന്ന് സ്വര്‍ണ ബിസ്‌ക്കറ്റുകള്‍ മലദ്വാരത്തില്‍ ഒളിപ്പിച്ചാണ് ഇയാളെത്തിയിരുന്നത്. പിടിച്ചെടുത്ത സ്വര്‍ണത്തിന് 10.16 ലക്ഷം രൂപ വില ലഭിക്കും.കരിപ്പൂരില്‍ സ്വര്‍ണം പിടികൂടുന്നത് വര്‍ധിക്കുകയാണ്.