എടവണ്ണ: ജമാലങ്ങാടിക്ക് സമീപം ഫ്രൂട്ട്‌സ് കട കത്തിനശിച്ചു. ഇന്നലെ പുലര്‍ച്ചെ രണ്ടോടെയാണ് കട അഗ്‌നിക്കിരയായത്. സംഭവത്തെ തുടര്‍ന്ന് ഓടിക്കൂടിയ നാട്ടുകാര്‍, ട്രോമാകെയര്‍ പ്രവര്‍ത്തകര്‍, നിലമ്പൂര്‍, തിരുവാലി എന്നിവിടങ്ങളില്‍ നിന്നെത്തിയ രണ്ടു യൂനിറ്റ് ഫയര്‍ഫോഴ്‌സ്, എടവണ്ണ പൊലിസ് തുടങ്ങിയവര്‍ രക്ഷാപ്രവര്‍ത്തനങ്ങള്‍ക്ക് നേതൃത്വം നല്‍കി.
     പാറക്കാടന്‍ മുഹമ്മദിന്റെ ഉടമസ്ഥതയിലുള്ളതാണ് കട. കട കത്തിനശിച്ച സംഭവത്തില്‍ മൂന്നു ലക്ഷത്തോളം രൂപയോളം നഷ്ടം കണക്കാക്കുന്നതായി പറയുന്നു.