തിരുവനന്തപുരം: അവകാശങ്ങള്‍ നേടാന്‍ യൂനിയനുകള്‍ രൂപീകരിക്കുന്നതില്‍ തെറ്റില്ലെന്നും സ്ഥാപനങ്ങളെ നിലനിര്‍ത്തിയിട്ടുവേണം യൂനിയനുകള്‍ അവരുടെ അവകാശങ്ങള്‍ ചോദിച്ചുവാങ്ങാനെന്നും എന്‍.സി.പി സംസ്ഥാന അധ്യക്ഷന്‍ ഉഴവൂര്‍ വിജയന്‍. കേരള സ്റ്റേറ്റ് റോഡ് ട്രാന്‍സ്‌പോര്‍ട്ട് മിനിസ്റ്റീരിയല്‍ യൂനിയന്‍ സംസ്ഥാന കണ്‍വന്‍ഷന്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

അര്‍ഹമായിട്ടുള്ള അവകാശങ്ങള്‍ നിഷേധിക്കാന്‍ ആര്‍ക്കും അവകാശമില്ല. യൂനിയന്റെ വലുപ്പമല്ല പ്രശ്‌നം. എല്ലാവരും ഒരുമിച്ചുനില്‍ക്കണം. കെ.എസ്.ആര്‍.ടിയില്‍ പല പ്രതിസന്ധികളും ഉണ്ട്. അതുപരിഹരിക്കാന്‍ സര്‍ക്കാരിന്റെ ഭാഗത്തുനിന്നു എല്ലാപിന്തുണയും ഉണ്ടാകും. രാഷ്ട്രീയമായി എല്ലാകാര്യങ്ങളും അറിയാവുന്ന മന്ത്രിക്ക് കെ.എസ്.ആര്‍.ടി.സിയെ രക്ഷിക്കാന്‍ കഴിയുമെന്നും പിണറായി സര്‍ക്കാരില്‍നിന്നു എല്ലാവര്‍ക്കും തുല്യനീതി ലഭിക്കുമെന്നും ഉഴവൂര്‍ വിജയന്‍ പറഞ്ഞു.