ആലപ്പുഴ: വിജിലന്‍സ് പ്രവര്‍ത്തനം കുടുംബശ്രീയിലൂടെയും നടത്താന്‍ തയ്യാറെടുപ്പ് തുടങ്ങി. സംസ്ഥാനത്താദ്യമായാണ് അഴിമതി വിരുദ്ധ പ്രവര്‍ത്തനങ്ങള്‍ക്ക് കുടുംബശ്രീയുടെ സഹകരണം ഉറപ്പാക്കുന്നത്.
അഴിമതി വിരുദ്ധ സംസ്‌കാരം സാധാരണക്കാരുടെ ഇടയിലേക്കെത്തിക്കാന്‍ പദ്ധതിവഴി കഴിയുമെന്നതിന്റെ വെളിച്ചത്തിലാണ് ഇത്തരമൊരു നീക്കം.
 അഴിമതി വിരുദ്ധ പ്രവര്‍ത്തനം കുടുംബശ്രീയിലൂടെ എന്ന പദ്ധതിയുടെ പ്രാരംഭതല ശില്‍പ്പശാല ഇന്നലെ ആലപ്പുഴ വലിയകുളം ടി.എം.എ.ഹാളില്‍ സംഘടിപ്പിച്ചു.
ജില്ലയിലെ വിവിധ കുടുംബശ്രീ യൂനിറ്റുകളുടെ പ്രതിനിധികള്‍ ശില്‍പ്പശാലയില്‍ പങ്കെടുത്തു.