ജബല്‍പൂര്‍: മഴദൈവത്തെ പ്രീതിപ്പെടുത്താനായി മധ്യപ്രദേശില്‍ മന്ത്രി തവളകളെ കല്യാണം കഴിപ്പിച്ചു. വനിതാ ശിശു വികസന കാര്യമന്ത്രി ലളിതാ യാദവാണ് അപൂര്‍വമായ കല്യാണം നടത്തിയത്. ഈ വര്‍ഷം നല്ല മഴ ലഭിക്കാനാണ് തവളകളുടെ വിവാഹം നടത്തിയതെന്ന് സംഘാടകര്‍ പറഞ്ഞു.

പണ്ടു മുതലേ നല്ല മഴ ലഭിക്കാനായി ഇവിടങ്ങളില്‍ ചെയ്തുപോന്നിരുന്ന ആചാരമാണ് ഈ തവളക്കല്യാണം. മന്ത്രിയോടൊപ്പം സംസ്ഥാനത്തെ പ്രമുഖ ബി.ജെ.പി മന്ത്രിമാരും നൂറോളം ഗ്രാമവാസികളും തവളക്കല്യാണത്തില്‍ പങ്കെടുക്കാനെത്തിയിരുന്നു.