പെരുമ്പാവൂര്‍: സംസ്ഥാനത്തെ എല്ലാ താലൂക്ക് സപ്ലെ ഓഫിസുകളിലും, സിറ്റി റേഷനിങ് ഓഫിസുകളിലും റേഷന്‍ കാര്‍ഡ് സംബന്ധമായ താഴെപ്പറയുന്ന അപേക്ഷകള്‍ പഞ്ചായത്ത് അടിസ്ഥാനത്തില്‍ താഴെപ്പറയുന്ന ദിവസങ്ങളില്‍ 25 മുതല്‍ സ്വീകരിക്കും.
പുതിയ റേഷന്‍ കാര്‍ഡുകള്‍ ലഭിക്കുന്നതിന്, റേഷന്‍ കാര്‍ഡ് മറ്റൊരു താലൂക്കിലേക്ക് മാറ്റുന്നതിന്, കാര്‍ഡിലെ അംഗങ്ങളെ മറ്റൊരു താലൂക്കിലേക്ക് മാറ്റുന്നതിന്, പുതിയ അംഗങ്ങളെ ഉള്‍പ്പെടുത്തുന്നതിന്, ഡൂപ്ലിക്കേറ്റ് കാര്‍ഡ് ലഭിക്കുന്നതിന്, തിരുത്തലുകള്‍ വരുത്തുന്നതിന്, കാര്‍ഡിലെ അംഗങ്ങളെ മറ്റൊരു സംസ്ഥാനത്തേക്ക് മാറ്റുന്നതിന്, റേഷന്‍ കാര്‍ഡ് മറ്റൊരു സംസ്ഥാനത്തേക്ക് മാറ്റുന്നതിന്, നോണ്‍ റിന്യൂവല്‍ സര്‍ട്ടിഫിക്കറ്റ് ലഭിക്കുന്നതിന്, നോണ്‍ ഇന്‍ക്ലൂഷന്‍ സര്‍ട്ടിഫിക്കറ്റ് ലഭിക്കുന്നതിന് എന്നിവക്കാണ് അപേക്ഷകള്‍ സ്വീകരിക്കുന്നത്.
ഐക്കരനാട്, പൂതൃക്ക, വടവുകോട് പുത്തന്‍കുരിശ്, തിരുവാണിയൂര്‍ എന്നിവിടങ്ങളില്‍ എല്ലാ തിങ്കളാഴ്ചകളിലും, അശമന്നൂര്‍, രായമംഗലം, മഴുവന്നൂര്‍ എല്ലാ ചൊവ്വാഴ്ചകളിലും, കുന്നത്തുനാട്, കിഴക്കമ്പലം, വാഴക്കുളം എല്ലാ ബുധനാഴ്ചകളിലും, കൂവപ്പടി, വേങ്ങൂര്‍, മുടക്കുഴ എല്ലാ വ്യാഴാഴ്ചകളിലും, വെങ്ങോല, ഒക്കല്‍, പെരുമ്പാവൂര്‍ മുനിസിപ്പാലിറ്റി എല്ലാ വെള്ളിയാഴ്ചകളിലും രാവിലെ 10 മുതല്‍ 3.30 വരെ അപേക്ഷകള്‍ സ്വീകരിക്കും. അപേക്ഷകള്‍ പൂരിപ്പിച്ച് മൊബൈല്‍ നമ്പര്‍, ആധാര്‍ കോപ്പി, ആവശ്യമായ രേഖകള്‍, റേഷന്‍ കാര്‍ഡിന്റെ പകര്‍പ്പ് എന്നിവ സഹിതം ഹാജരാക്കണമെന്ന് താലൂക്ക് സപ്ലെ ഓഫീസര്‍ അറിയിച്ചു.