സിംഗപ്പൂര്‍ സിറ്റി: ഡൊണാള്‍ഡ് ട്രംപ്-കിം ജോങ് ഉന്‍ കൂടിക്കാഴ്ചയ്ക്കു ചെലവായത് 16.3 മില്യന്‍ സിംഗപ്പൂര്‍ ഡോളര്‍(ഏകദേശം 81 കോടി രൂപ). ഉച്ചകോടിക്ക് ആതിഥ്യം വഹിച്ച സിംഗപ്പൂര്‍ സര്‍ക്കാരാണു ചരിത്രസംഗമത്തിന്റെ ചെലവ് പുറത്തുവിട്ടത്.
മുന്‍പ് പ്രചരിച്ചിരുന്ന കണക്കുകള്‍ സിംഗപ്പൂര്‍ പൗരന്മാര്‍ക്കിടയില്‍ പ്രതിഷേധമുയര്‍ത്തിയ പശ്ചാത്തലത്തിലാണ് യഥാര്‍ഥ ചെലവ് വിദേശകാര്യ മന്ത്രാലയം പുറത്തുവിട്ടത്.
കൂടുതല്‍ ചെലവും സുരക്ഷാകാര്യങ്ങള്‍ക്കായാണു ചെലവായത്. ഉച്ചകോടിക്കായി 20 മില്യന്‍ സിംഗപ്പൂര്‍ ഡോളര്‍ ചെലവു പ്രതീക്ഷിക്കുന്നുവെന്നായിരുന്നു നേരത്തെ പ്രധാനമന്ത്രി ലീ സീന്‍ ലൂങ് അറിയിച്ചിരുന്നത്.