കാസര്‍കോട്: സര്‍ക്കാരിന്റെ ഒന്നാം വാര്‍ഷികത്തിനു മുന്നോടിയായി എല്ലാ ജില്ലകളിലും പട്ടയമേളകള്‍ സംഘടിപ്പിക്കുമെന്നു റവന്യൂ മന്ത്രി ഇ ചന്ദ്രശേഖരന്‍ പറഞ്ഞു. ആദ്യ പട്ടയമേള മെയ് 13നു ജില്ലയില്‍ നടക്കും. മുഖ്യമന്ത്രി പിണറായി വിജയന്‍ പട്ടയവിതരണോദ്ഘാടനം നിര്‍വഹിക്കും. അര്‍ഹരായ ഭൂരഹിതര്‍ക്കെല്ലാം ചട്ടങ്ങള്‍ പാലിച്ച് ഭൂമി ലഭ്യമാക്കുന്നതിനു നടപടി സ്വീകരിക്കണമെന്ന് ജില്ലാ കലക്ടറോട്  മന്ത്രി ആവശ്യപ്പെട്ടു. പട്ടയമേളകള്‍ പരാതിരഹിതമായി സംഘടിപ്പിക്കുന്നതിനു ജനപ്രതിനിധികളും ഉദ്യോഗസ്ഥരും സഹകരിക്കണമെന്നും മന്ത്രി ഇ ചന്ദ്രശേഖരന്‍ പറഞ്ഞു.