കരുനാഗപ്പള്ളി: കുലശേഖരപുരം കടത്തുര്‍ വെട്ടോളിശ്ശേരില്‍ അബ്ദുല്‍ സമദ്-സീനത്ത് ദമ്പതികളുടെ മകള്‍ സനൂജയെ അടിച്ചുകൊന്ന കേസിലെ പ്രതിയായ ഭര്‍ത്താവ് അബ്ദുല്‍ സലീമിനെ അറസ്റ്റ് ചെയ്യാത്തതില്‍ പ്രതിഷേധിച്ച് മഹിളാ അസോസിയേഷന്‍ കുലശേഖരപുരം നോര്‍ത്ത് വില്ലേജ് കമ്മിറ്റിയുടെ നേതൃത്വത്തില്‍ പ്രതിഷേധ പ്രകടനവും സമ്മേളനവും നടത്തി.
മഹിളാ അസോസിയേഷന്‍ സംസ്ഥാന കമ്മിറ്റി അംഗം പ്രസന്ന ഏണസ്റ്റ് ഉദ്ഘാടനം ചെയ്തു. ജനാധിപത്യ മഹിളാ അസോസിയേഷന്‍ വില്ലേജ് പ്രസിഡന്റ് കല അധ്യക്ഷയായി. വില്ലേജ് സെക്രട്ടറി ലതികാ ബാബു, മഹിള അസോസിയേഷന്‍ ജില്ലാ സെക്രട്ടറി സി. രാധാമണി, ജില്ലാ കമ്മിറ്റി അംഗം ആര്‍.കെ ദീപ, ഏരിയാ സെക്രട്ടറി വസന്ത രമേശന്‍, ഏരിയാ പ്രസിഡന്റ് പത്മകുമാരി, സി.പി.എം ലോക്കല്‍ കമ്മിറ്റി സെക്രട്ടറി പി ഉണ്ണി, ഏരിയാ കമ്മിറ്റിയംഗം ഡി. രാജന്‍, ബ്രാഞ്ച് സെക്രട്ടറി എച്ച്.എ സലാം, മഹിളാ അസോസിയേഷന്‍ വാര്‍ഡ് സെക്രട്ടറി അനി അന്‍സില്‍ പ്രസംഗിച്ചു. മണ്ണടിശ്ശേരി ജങ്ഷനില്‍ നിന്നാരംഭിച്ച പ്രതിഷേധ പ്രകടനം പനമൂട്ടില്‍ ജങ്ഷനില്‍ സമാപിച്ചു.