നീലേശ്വരം: ജില്ലയിലെ വിദ്യാലയങ്ങളില്‍ 'ഹലോ ഇംഗ്ലീഷ്' പദ്ധതിക്ക് തുടക്കമായി. നീലേശ്വരം സെന്റ് ആന്‍സ് യു.പി സ്‌കൂളില്‍ വ്യത്യസ്ത പരിപാടികളോടെയാണ് ഉദ്ഘാടന പരിപാടികള്‍ അരങ്ങേറിയത്. കുട്ടികള്‍ നിര്‍മിച്ച വ്യത്യസ്ത ഉല്‍പന്നങ്ങള്‍ ഉള്‍ക്കൊള്ളിച്ച് ഹലോ ഇംഗ്ലീഷ് എക്‌സിബിഷന്‍, പരിശീലന ക്ലാസ് എന്നിവ നടന്നു.
നീലേശ്വരം നഗരസഭാ ചെയര്‍മാന്‍ പ്രൊഫ. കെ.പി ജയരാജന്‍ ഉദ്ഘാടനം നിര്‍വഹിച്ചു. എസ്.എസ്.എ ജില്ലാ പ്രോഗ്രാം ഓഫിസര്‍ പി.പി വേണുഗോപാലന്‍ അധ്യക്ഷനായി. അധ്യാപകര്‍ക്കുള്ള ഹലോ ഇംഗ്ലീഷ് പഠന സഹായി ഡയറ്റ് പ്രിന്‍സിപ്പല്‍ പി. ജയദേവന്‍ വിതരണം ചെയ്തു. ഹലോ ഇംഗ്ലീഷ് പ്രദര്‍ശനം നഗരസഭാ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ മുഹമ്മദ് റാഫി ഉദ്ഘാടനം ചെയ്തു. ഉപജില്ലാ വിദ്യാഭ്യാസ ഓഫിസര്‍ പി.വി ജയരാജ്, വാര്‍ഡ് കൗണ്‍സിലര്‍ ഭാര്‍ഗവി, പി.ടി.എ പ്രസിഡന്റ് വിനോദ് കുമാര്‍, ബി.ആര്‍.സി ട്രെയ്‌നര്‍ ബി.ആര്‍.സി ഹോസ്ദുര്‍ഗ്, ഹോസ്ദുര്‍ഗ് ബി.പി.ഒ മധുസൂദനന്‍, ജനാര്‍ദ്ദനന്‍, പ്രഥമാധ്യാപിക സിസ്റ്റര്‍ ഡെയ്‌സി ആന്റണി സംസാരിച്ചു.