എരുമപ്പെട്ടി: വൈഷ്ണവയ്ക്ക് കുടക്കുഴി കൂട്ടായ്മയുടെ സാന്ത്വന സ്പര്‍ശം. കടബാധ്യത മൂലം ജീവനൊടുക്കിയ കടങ്ങോട് കൊട്ടിലിപറമ്പില്‍ സുരേഷ്‌കുമാറിന്റെ മകള്‍ വൈഷ്ണവയ്ക്ക് കടക്കുഴി കൂട്ടായ്മ ധനസഹായം നല്‍കി.
വിഷുവിനോടനുബന്ധിച്ച് നടത്തിയ കലാസന്ധ്യയിലാണ് വൈഷ്ണവയ്ക്കുള്ള ധനസഹായം മുത്തഛന്‍ അയ്യപ്പന് നല്‍കിയത്.
ചേലക്കര എം.എല്‍.എ യു.ആര്‍ പ്രദീപ് ധനസഹായം കൈമാറി. സിനിമ നടന്‍ ജയരാജ് വാര്യര്‍, വാദ്യകലാകാരന്‍മാരായ കല്ലൂര്‍ രാമന്‍കുട്ടി, തിച്ചുര്‍ മോഹനന്‍, ഭാരവാഹികളായ അഡ്വ. ഇ. പ്രജിത്ത്കുമാര്‍, റോഷന്‍ അലങ്കാരത്ത് സന്നിഹിതരായിരുന്നു.
കലാ സന്ധ്യയില്‍ കല്ലൂര്‍ രാമന്‍കുട്ടിയുടെ തായമ്പകയും തിച്ചൂര്‍ മോഹനന്റെ ഇടക്ക വാദനവും അരങ്ങേറി.