തലശ്ശേരി: തിരുവങ്ങാട് ശ്രീരാമ സ്വാമി ക്ഷേത്രോത്സവത്തിനിടെയുള്ള കരിമരുന്ന് പ്രയോഗത്തില്‍ അമിട്ടുകള്‍ ലക്ഷ്യം തെറ്റി പാഞ്ഞത് പരിഭ്രാന്തി പരത്തി. ഉത്സവ ആറാട്ട് കഴിഞ്ഞ ശേഷം വെള്ളിയാഴ്ച രാത്രി ഒന്‍പതു മണിയോടെ നടന്ന വെടിക്കെട്ടിനിടെയാണ് അപകടം. വെടിക്കെട്ട് നടക്കുമ്പോള്‍ കയര്‍കെട്ടി പ്രദേശത്ത് നിന്ന് ജനങ്ങളെ പതിവ് പോലെ മാറ്റി നിര്‍ത്തിയിരുന്നു.
ഇത് ദൂരെ നിന്ന് വീക്ഷിക്കുന്നതിനിടെ അമിട്ട് ലക്ഷ്യം തെറ്റി ആള്‍ക്കൂട്ടത്തിനിടയിലേക്ക് ചീറിപ്പായുകയായിരുന്നു. ഇതില്‍ നിന്നുള്ള തീപ്പൊരി പരിസരത്ത് കൂടി നില്‍ക്കുന്നവരുടെ ദേഹത്ത് പതിക്കുകയായിരുന്നു.
ഇവര്‍ക്ക് നിസ്സാര പൊള്ളലേറ്റു. എന്നാല്‍ തുടര്‍ന്നും അമിട്ടുകള്‍ ലക്ഷ്യമില്ലാതെ പാഞ്ഞതോടെ പരസരത്ത് കൂടി നിന്നവര്‍ പരിഭ്രാന്തരായി ഓടുകയായിരുന്നു.