തിരുവനന്തപുരം: 'അമ്മ'യുടെ പുതിയ ഭാരവാഹികള്‍ക്കെതിരേ ഗുരുതര ആരോപണവുമായി സിനിമ താരങ്ങളുടെ വനിത സംഘടനയായ വുമണ്‍ ഇന്‍ സിനിമ കളക്ടീവിലെ അംഗങ്ങള്‍.

നടി പാര്‍വതിക്ക് മത്സരിക്കാന്‍ ആഗ്രഹമുണ്ടായിരുന്നു. എന്നാല്‍ സമ്മര്‍ദ്ദം ചെലുത്തിയപ്പോള്‍ പിന്‍മാറുകയായിരുന്നു. വിദേശത്തായതിനാല്‍ ഭാരവാഹികളായി മത്സരിക്കാന്‍ ആകില്ലെന്നും പറഞ്ഞതായി ഡബ്ല്യുസിസി അംഗങ്ങള്‍ വെളിപ്പെടുത്തി.

അമ്മയിലെ തെരഞ്ഞെടുപ്പ് സുതാര്യമല്ല. ഇപ്പോഴത്തെ ഭാരവാഹികള്‍ ആരുടെയൊക്കയോ നോമിനികളാണ്. പല വിഷയങ്ങളിലും ഗൗരവകരമായ നിലപാടെടുക്കാന്‍ ഇവര്‍ക്കായില്ല. വിഷയങ്ങള്‍ എക്‌സിക്യൂട്ടിവ് കമ്മിറ്റി ചര്‍ച്ചചെയ്യണമെന്നും ഡബ്ല്യുസിസി അംഗങ്ങള്‍ ആവശ്യപ്പെടുന്നു.