കാസര്‍കോട്: പാക്കം ഗവ. ഹയര്‍ സെക്കന്‍ഡറി സ്‌കൂള്‍ ഹൈടെക് ആക്കി മാറ്റാന്‍ നാടിന്റെ ഒന്നടങ്കമുള്ള പിന്തുണ. പൊതു വിദ്യാലയത്തെ മികവിന്റെ കേന്ദ്രമാക്കാന്‍ സ്‌കൂളില്‍ സംഘടിപ്പിച്ച വികസന സെമിനാറില്‍ സ്‌കൂളിന്റെ വികസനത്തിനു നാനാതുറകളില്‍ നിന്നും മികച്ച പ്രതികരണമാണ് ലഭിച്ചത്. 'ഒരുമ 2017' എന്ന പേരില്‍ സ്‌കൂള്‍ ഓഡിറ്റോറിയത്തില്‍ നടന്ന പൂര്‍വ വിദ്യാര്‍ഥി രക്ഷാകര്‍തൃ സംഗമവും വികസന സെമിനാറും കെ കുഞ്ഞിരാമന്‍ എം.എല്‍.എ ഉദ്ഘാടനം ചെയ്തു. ജില്ലാ പഞ്ചായത്ത് അംഗം ഡോ.വി.പി.പി മുസ്തഫ അധ്യക്ഷനായി.
റിട്ടയര്‍ ചെയ്ത ആദ്യകാല അധ്യാപകരെയും മുന്‍ പി.ടി.എ പ്രസിഡന്റുമാരെയും 1955ലെ ആദ്യ ബാച്ചിനെയും സംഗമത്തില്‍ ആദരിച്ചു. സ്‌കൂള്‍ സെമിനാറില്‍ 10 കോടി രൂപയുടെ പദ്ധതിയാണ് അവതരിപ്പിച്ചത്. ബ്ലോക്ക് പഞ്ചായത്ത് പ്രസിഡന്റ് എം ഗൗരി, പഞ്ചായത്ത് പ്രസിഡന്റ് പി ഇന്ദിര, പി.ടി.എ പ്രസിഡന്റ് വി കുഞ്ഞിക്കണ്ണന്‍, കെ രവിവര്‍മ്മന്‍, ടി.എം അബ്ദുള്‍ ലത്തീഫ്, കെ ഭാനുമതി, കെ.എ ബിന്ദു, വി കുഞ്ഞമ്പു, കെ രവീന്ദ്രന്‍, പി.വി അമ്പൂഞ്ഞി, കെ.വി ദാമോദരന്‍, ടി പ്രഭാകരന്‍, കെ പ്രിയേഷ് കുമാര്‍, എം.ടി മാധവന്‍, ടി കുമാരന്‍, ബി.വി നാരായണന്‍, കണ്ണന്‍ അച്ചാംതുരുത്തി, എ രാമന്‍, ഉണ്ണികൃഷ്ണന്‍ സംസാരിച്ചു.