ഒതുക്കുങ്ങല്‍: സൗദി ജിസാന്‍ കെ.എം.സി.സി.സി ചെയര്‍മാന്‍ ഒതുക്കുങ്ങല്‍ മറ്റത്തൂരങ്ങാടി സ്വദേശി അരീക്കല്‍ ഹംസയുടെ മയ്യിത്ത് നാട്ടിലെത്തിച്ച് ഖബറടക്കി. മത രംഗത്തും മുസ്‌ലിംലീഗ് പാര്‍ട്ടി പ്രവര്‍ത്തനത്തിലും സജീവ സാനിധ്യമായിരുന്ന ഹംസ(49)ജീവകാരുണ്യ സംരഭങ്ങളായ സി.എച്ച് സെന്റര്‍, അലിവ് ചാരിറ്റി സെല്‍ എന്നിവയുടെ പ്രവര്‍ത്തന രംഗത്തും സജീവമായിരുന്നു.
കഴിഞ്ഞ ആഴ്ച സഊദിയില്‍ വച്ചുണ്ടായ ഹംസയുടെ മരണം നാടിനെയൊന്നാകെ ദു:ഖത്തിലാഴ്ത്തിയിരുന്നു. മറ്റത്തൂരങ്ങാടി ജുമാമസ്ജിദില്‍ നടന്ന മയ്യിത്ത് നിസ്‌കാരത്തില്‍ നൂറുകണക്കിന് ആളുകളാണ് പങ്കെടുത്തത്.  തുടര്‍ന്ന് നടന്ന അനുശോചന യോഗത്തില്‍ മലപ്പുറം ബ്ലോക്ക് പഞ്ചായത്ത് അംഗം കടമ്പോട്ട് മൂസ,  കൂട്ടീരി മജീദ്, കാവുങ്ങല്‍ അബു, കെ.സി നാസര്‍, യു.ടി മുഹമ്മദ് കുട്ടി, വി.യു ഖാദര്‍, യു.ടി മുസ്തഫ, യൂനുസ് കടമ്പോട്ട് സംസാരിച്ചു.