കൊല്ലം: ഗുണ്ടാസംഘങ്ങള്‍ തമ്മിലുള്ള ഏറ്റുമുട്ടലില്‍ യുവാവ് കുത്തേറ്റ് മരിച്ചു. കിളിക്കൊല്ലൂര്‍ എസ്.വി ടാക്കീസിനു  സമീപം കോതേത്ത് നഗര്‍ 51ല്‍ ഉദയ്കിരണ്‍ (കിച്ചു- 25) ആണ് മരിച്ചത്. സംഭവത്തില്‍ ആശ്രാമം ലക്ഷ്മണനഗര്‍ 31ല്‍ വിഷ്ണു (മൊട്ട വിഷ്ണു), ലക്ഷ്മണ നഗര്‍ 64ല്‍ പടിഞ്ഞാറ്റതില്‍ വീട്ടില്‍ ജിതിന്‍ (ദീപു), കിളികൊല്ലൂര്‍ ചേരിക്ഷേത്രനഗര്‍ 63ല്‍ ശരണ്‍ (ശംഭു), ഉളിയക്കോവില്‍ നഗര്‍ മൂന്നില്‍ പാരിപ്പള്ളി പടിഞ്ഞാറ്റതില്‍ വിഷ്ണു (പട്ടരുവിഷ്ണു) എന്നിവര്‍ പൊലിസിന്റെ പിടിയിലായി. 

ചൊവ്വാഴ്ച രാത്രി 10.20ന് കോതേത്ത് ആയിരുന്നു സംഭവം. ഇരുവരും പരസ്പരം നടത്തിയ കത്തിക്കുത്തില്‍ നെഞ്ചിന് കുത്തേറ്റ ഉദയകിരണിനെ ആദ്യം കൊല്ലത്തെ സ്വകാര്യ ആശുപത്രിയിലും പിന്നീട് തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചെങ്കിലും മരിച്ചു.