മാവേലിക്കര: നാടിന്റെ വികസനമാണ് തന്റെ കാഴ്ചപ്പാടെന്നും അതിനായി ഒരവസരം നല്‍കണമെന്നും മാവേലിക്കരയിലെ എല്‍.ഡി.എഫ് സ്ഥാനാര്‍ഥി ചിറ്റയം ഗോപകുമാര്‍. മണ്ഡലത്തിലെ ഇടഗ്രാമങ്ങളിലൂടെയായിരുന്നു ഇന്നലെ ചിറ്റയത്തിന്റെ പര്യടനം.  സ്വീകരണ യോഗങ്ങളില്‍ സ്ത്രീകളും യുവജനങ്ങളും തൊഴിലാളികളും ചിറ്റയത്തെ സ്വീകരിച്ചു. പൊള്ളുന്ന വെയിലും ചുടു കാറ്റും അവഗണിച്ച് കൊച്ചു കുട്ടികളെയും കൈയിലേറ്റി നിരവധി അമ്മമാര്‍ സ്വീകരണ യോഗങ്ങളില്‍ എത്തിയിരുന്നു.  തുറന്ന വാഹനത്തില്‍ പാതക്കിരുപുറവും കാത്തു നിന്നവരെ നിറഞ്ഞ പുഞ്ചിരിയോടെ അഭിവാദ്യം ചെയ്താണ് ഓരോ സ്വീകരണ യോഗത്തിലേക്കും ചിറ്റയം എത്തിയത്. മാവേലിക്കര നിയമസഭാ മണ്ഡലത്തിലെ ഒന്നാം ഘട്ട സ്വീകരണ പരിപാടി ഇന്നലെ രാവിലെ ഒന്‍പതിന് വള്ളികുന്നം ചൂനാട് തെക്കേ ജങ്ഷനില്‍ ആര്‍. രാജേഷ്.എം.എല്‍.എ ഉദ്ഘാടനം ചെയ്തു. കെ. രാഘവന്‍ അധ്യക്ഷനായി. കെ. ചന്ദ്രനുണ്ണിത്താന്‍, സി.എസ് സുജാത, ജി. സോഹന്‍, എന്‍.രവിന്ദ്രന്‍ ,കെ.മധുസുദനന്‍ സംസാരിച്ചു. സ്വീകരണ യോഗങ്ങളില്‍ കെ.രാഘവന്‍, മുരളി തഴക്കര, നൂറനാട് ജയകുമാര്‍, എസ്.ഷാജഹാന്‍, ബിനോസ തോമസ് കണ്ണാട്ട്, അനു ശിവന്‍, സി.വിജയന്‍ പ്രഭ വി മറ്റപ്പള്ളി സംസാരിച്ചു.