തൃശൂര്‍: വിയ്യൂര്‍ ജയിലിലെ അന്തേവാസികളില്‍ വോളിബോള്‍ പരിശീലനം നല്‍കിയവരുടെ പ്രാക്ടീസ് മാച്ച് നാളെ ഉച്ചക്ക് രണ്ടിന് തൃപ്രയാര്‍ ടി.എസ്.ജി.എ ഇന്‍ഡോര്‍ സ്റ്റേഡിയത്തില്‍ നടക്കുമെന്ന് അഖിലേന്ത്യാ വോളിബോള്‍ താരം കിഷോര്‍ കുമാര്‍ വാര്‍ത്താ സമ്മേളനത്തില്‍ അറിയിച്ചു. എം.ബി രാജേഷ് എം.പി ഉദ്ഘാടനം ചെയ്യും. പ്രവേശനം സൗജന്യമാണ്. കഴിഞ്ഞ പത്ത് മാസമായി 19 പേര്‍ കിഷോര്‍ കുമാറിന് കീഴില്‍ പരിശീലനം നേടിയിട്ടുണ്ട്. ഇവരില്‍ നിന്ന് 18 പേരാണ് പ്രാക്ടീസ് മാച്ചില്‍ പങ്കെടുക്കുന്നത്. നേരത്തെ ജയിലിനകത്ത് രണ്ട് പ്രാക്ടീസ് മാച്ചുകള്‍ നടത്തിയിട്ടുണ്ട്.