ചേലേമ്പ്ര: സബ്ജൂനിയര്‍ തലത്തില്‍ ദേശീയ ഫുട്‌ബോള്‍ ടീമിന് വേണ്ടി ബൂട്ടണിയുന്ന ആവേശത്തിലാണ് എന്‍.എന്‍.എം.എച്ച് സ്‌കൂള്‍ വിദ്യാര്‍ഥി ഷഹബാസ് അഹമദ്.
 ഗോവയില്‍ നടക്കുന്ന ക്യാംപിലാണ് ഷഹബാസ് പരിശീലനം നേടിയത്. സ്‌കൂളിലെ കായികാധ്യാപകന്‍ മന്‍സൂറിന്റെ ശിക്ഷണത്തിലാണ് ഷഹബാസ് കളിയുടെ പുതിയ മേഖലകളിലേക്കെത്തുന്നത്. അണ്ടര്‍ 14  ചാംപ്യനായിട്ടുള്ള ഷഹബാസ്  2016ല്‍ ദേശീയ ചാംപ്യന്‍ ടീമിന്റെയും ഭാഗമായിട്ടുണ്ട്. മലപ്പുറം സബ്ജൂനിയര്‍ ടീമിന്റെ നായകന്‍ കൂടിയായിരുന്നു ഷഹബാസ്. നിലവില്‍ എന്‍.എന്‍.എം.എച്ച്.എസില്‍ നിന്ന് തന്നെ നന്ദു കൃഷ്ണ, അനന്തു, ഹേമന്ത് തുടങ്ങിയവര്‍ കേരള ടീമില്‍ അംഗങ്ങളാണ്. വരുന്ന 19നാണ് ഷഹബാസ് ഈജിപ്തിലേക്ക് യാത്ര തിരിക്കുന്നത്. മലപ്പുറം മൊറയൂര്‍ അരിമ്പ്ര ബഷീര്‍-സൗദ ദമ്പതികളുടെ പുത്രനാണ് ഷഹബാസ്.