കൊച്ചി: വിവിധ വിഷയങ്ങള്‍ ഘട്ടംഘട്ടമായി ക്രമീകരിച്ചിരിക്കുന്നതിനാലാണ് ഭാഷാവിഷയങ്ങളുടെ ഓണ്‍ലൈന്‍ അധ്യാപനം വൈകുന്നതെന്നാണ് അധികൃതരുടെ വിശദീകരണം. ഷൂട്ടിങ്, എഡിറ്റിങ് മുതലായവ ഒരേസമയം ക്രമീകരിക്കുന്നതിലെ സാങ്കേതിക ബുദ്ധിമുട്ടുകളാണ് ഇതിന് കാരണമായി പറയുന്നത്. അറബിക്, ഉര്‍ദു, സംസ്‌കൃതം, തമിഴ് വിഷയങ്ങളുടെ ക്ലാസുകളുടെ ഷൂട്ടിങ്, എഡിറ്റിങ്, സംപ്രേക്ഷണം എന്നിവ ഓരോ ഡയറ്റുകളെ ഏല്‍പ്പിച്ചിരിക്കുകയാണ്. അറബിക്കിന്റെ ചുമതല മലപ്പുറം ഡയറ്റിനാണ്. ക്ലാസുകള്‍ സംബന്ധിച്ച മാര്‍ഗനിര്‍ദേശങ്ങള്‍ എസ്.സി.ഇ.ആര്‍.ടി തയാറാക്കി പൊതുവിദ്യാഭ്യാസ ഡയരക്ടര്‍ക്ക് കൈമാറിയിട്ടുണ്ടെന്നും അധികൃതര്‍ വ്യക്തമാക്കി