കോഴിക്കോട്: ലോകസഭാ ഉപതെരഞ്ഞെടുപ്പില്‍ യു.ഡി.എഫ്  സ്ഥാനാര്‍ഥി പി.കെ കുഞ്ഞാലിക്കുട്ടിക്ക് വിജയം സമ്മാനിച്ച മലപ്പുറത്തെ വോട്ടര്‍മാര്‍ക്ക് അഭിവാദ്യമര്‍പ്പിച്ച് കോഴിക്കോട്ട് യു.ഡി.എഫ് പ്രവര്‍ത്തകര്‍ പ്രകടനം നടത്തി.
കോര്‍ട്ട് റോഡില്‍ നിന്നും ആരംഭിച്ച പ്രകടനം കിഡ്‌സണ്‍ കോര്‍ണറില്‍ സമാപിച്ചു. തുടര്‍ന്ന്  നടന്ന പൊതുയോഗം മുസ്‌ലിം ലീഗ് ജില്ലാ പ്രസിഡന്റ് ഉമ്മര്‍പാണ്ടികശാല ഉദ്ഘാടനം ചെയ്തു. യു.ഡി.എഫ്  ജില്ലാ ചെയര്‍മാന്‍ അഡ്വ. പി ശങ്കരന്‍ അധ്യക്ഷനായി. ജനതാദള്‍ ജില്ലാ സെക്രട്ടറി പി കിഷന്‍ ചന്ദ്, കെ മൊയ്തീന്‍ കോയ, എസ്.കെ അബൂബക്കര്‍ സംസാരിച്ചു.
സി.ടി  സക്കീര്‍ ഹുസൈന്‍, കെ.ടി  ബീരാന്‍ കോയ, വി.കെ  ആലിക്കോയ,  സി.പി ഉസ്മാന്‍,   കൗണ്‍സിലര്‍ സി.പി ശ്രീകല, അഡ്വ: പി.എം  ഹനീഫ, ജറീഷ, ഫൈസല്‍ പള്ളിക്കണ്ടി, യു സജീര്‍ ,എ.ടി മൊയ്തീന്‍ കോയ നേതൃത്വം നല്‍കി.