നീലേശ്വരം: എന്‍.ഡി.എ സ്ഥാനാര്‍ഥി രവീശതന്ത്രി കുണ്ടാര്‍ നീലേശ്വരത്ത് പര്യടനം നടത്തി. ഓട്ടോ സ്റ്റാന്‍ഡ്്് , മാര്‍ക്കറ്റ് ജങ്ഷന്‍, മത്സ്യമാര്‍ക്കറ്റ്, ബസ് സ്റ്റാന്‍ഡ് , ഷോപ്പിംഗ് കോംപ്ലക്‌സുകള്‍ എന്നിവിടങ്ങളിലെല്ലാമെത്തി വോട്ടര്‍മാരെ കണ്ടു. നീലേശ്വരം ശ്രീ മന്ദംപുറത്ത് കാവില്‍ അനുഗ്രഹം തേടി ദേവീസന്നിധിയിലെത്തി. നീലേശ്വരം കോവിലകത്തെത്തിയും രവീശതന്ത്രി കുണ്ടാര്‍ അനുഗ്രഹം തേടി. കോവിലകം വലിയരാജാവ് കെ.സി രവിവര്‍മ്മ രാജ, കെ.സി മാനവര്‍മ്മ രാജ തുടങ്ങിയവര്‍ ചേര്‍ന്ന് അദ്ദേഹത്തെ സ്വീകരിച്ചു.