തൃശൂര്‍: ഗ്രീന്‍ ക്യാപ് ഒരുക്കുന്ന വന്യജീവി ഫോട്ടോ പ്രദര്‍ശനം 'വൈല്‍ഡ് ലിറിക്‌സ് ' എട്ടു മുതല്‍ 15 വരെ ലളിതകലാ അക്കാദമി ചിത്രശാല ആര്‍ട്ഗാലറിയില്‍ നടക്കും. ഇന്ത്യക്കകത്തും പുറത്തുമുള്ള കാടുകളില്‍ നിന്ന് നാലു ഫോട്ടോഗ്രാഫര്‍മാര്‍ എടുത്ത മുപ്പതോളം ചിത്രങ്ങളാണു പ്രദര്‍ശനത്തില്‍ ഉള്‍പ്പെടുത്തിയിരിക്കുന്നതെന്ന് സീമ സുരേഷ്, ഡോ. കൃഷ്ണകുമാര്‍ വാര്‍ത്താസമ്മേളനത്തില്‍ പറഞ്ഞു.
നാലു വിഭാഗങ്ങളിലായാണ് പ്രദര്‍ശനം ഒരുക്കുന്നത്. ആനകളുടെ വന്യജീവിതത്തിന്റെ ഭാവാത്മക ചിത്രങ്ങള്‍, മാതൃത്വത്തിന്റെ അനന്തരൂപങ്ങള്‍ വന്യജീവികളിലൂടെ, ശാന്തരൂപകളായ വന്യജീവികളുടെ സൗമ്യഭാവങ്ങള്‍, സ്വാഭാവിക ഭൂമികളിലെ കിളികള്‍ എന്നീ വിഭാഗങ്ങളിലായാണു ചിത്രങ്ങള്‍ പ്രദര്‍ശിപ്പിക്കുക. രാവിലെ 10.30 മുതല്‍ വൈകിട്ട് 6.30 വരെയാണു പ്രദര്‍ശന സമയം