ഇരിങ്ങാലക്കുട: ഡ്രൈഡേ ദിനത്തില്‍ മദ്യം ചെറിയ കുപ്പികളിലാക്കി പലചരക്കു കടയുടെ മറവില്‍ വില്‍പന നടത്തിയയാള്‍ അറസ്റ്റില്‍.
ചാലക്കുടി താലൂക്കില്‍ മറ്റത്തൂര്‍ വില്ലേജില്‍ വാസുപ്പൂരം ദേശത്തു തട്ടപറമ്പില്‍ വീട്ടില്‍ വേലുക്കുട്ടി മകന്‍ വിജയ (67) നെയാണ് 200 മില്ലി ലിറ്റര്‍ മദ്യം സഹിതം ഇരിങ്ങാലക്കുട സര്‍ക്കിള്‍ ഓഫിസിലെ പ്രിവന്റീവ് ഓഫിസര്‍ വി.എ ഉമ്മറും സംഘവും അറസ്റ്റ് ചെയ്തത്. വിജയന്‍ മുന്‍പ് അബ്കാരി കേസില്‍ പ്രതിയായിട്ടുള്ളയാളാണ്.
ചെറിയ കുപ്പിയിലാക്കി 200 മില്ലിക്കു 200 രൂപയും നേര്‍പ്പിച്ച മദ്യത്തിന് ഗ്ലാസിനു 50 രൂപയായുമാണു ചില്ലറ വില്‍പന നടത്തിയിരുന്നത്.
പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു. റെയ്ഡില്‍ പ്രിവന്റീവ് ഓഫിസര്‍ കൃഷ്ണന്‍, സിവില്‍ എക്‌സൈസ് ഓഫിസര്‍മാരായ എം.ഒ ബെന്നി, സി.യു ശിവന്‍, ഐ.വി സാബു, ഡ്രൈവര്‍ ജിനേഷ് പങ്കെടുത്തു.