ആലത്തൂര്‍: ദേശീയമൈതാനിയിലെ അനധികൃത കയ്യേറ്റം ഒഴിപ്പിച്ചു. ദേശീയ മൈതാനിയില്‍ സര്‍ക്കാര്‍ അധീനതയിലുള്ള റവന്യൂ പുറംപോക്ക് അവധി ദിവസം സ്വകാര്യ വ്യക്തി കൈയ്യേറി കമ്പിവേലി കെട്ടി കൈവശപ്പെടുത്തിയ സ്ഥലം റവന്യു സംഘം ഒഴിപ്പിച്ചു. കമ്പിവേലി ജെ.സി.ബി ഉപയോഗിച്ച് മാറ്റിയാണ് കൈയ്യേറ്റം പൂര്‍ണമായി ഒഴിപ്പിച്ചത്.
സര്‍ക്കാര്‍ ഭൂമി കൈയ്യേറ്റങ്ങള്‍ക്കെതിരേ ശക്തമായ നടപടികള്‍ തുടര്‍ന്നും സ്വീകരിക്കുമെന്ന് തഹസില്‍ദാര്‍ അറിയിച്ചു. ദേശീയ മൈതാനിയില്‍ ടാക്‌സി സ്റ്റാന്‍ഡിന് പടിഞ്ഞാറ് വശത്തുള്ള സ്ഥലമാണ് സ്വകാര്യ വ്യക്തി കയ്യേറിയത്. തഹസില്‍ദാര്‍ എം.കെ അനില്‍കുമാര്‍, ഡെപ്യൂട്ടി തഹസില്‍ദാര്‍ പി.എന്‍ ശശികുമാര്‍, ആലത്തൂര്‍ വില്ലേജ് ഓഫിസര്‍ ഹക്കീം, താലൂക്ക് സര്‍വെയര്‍ രാമകൃഷ്ണന്‍ എന്നിവരടങ്ങുന്ന റവന്യു സ്‌കോഡ് സ്ഥലം അളന്ന് കയ്യേറിയതായി കണ്ടെത്തിയതിനെ തുടര്‍ന്നാണ് ഒഴിപ്പിച്ചത്.