കാഞ്ഞാര്‍: കുടയത്തൂര്‍ പഞ്ചായത്ത് സെക്രട്ടറി സജി തോമസിന് സൂര്യാഘാതമേറ്റു. ചൊവ്വാഴ്ച പഞ്ചായത്ത് ഓഫീസിന് സമീപമുള്ള വീട്ടില്‍ ഉച്ചയൂണിന് വന്നപ്പോഴാണ് സൂര്യാഘാതമേറ്റത്.ഇന്നലെ രാവിലെ ആയപ്പോഴേയ്ക്കും കഴുത്തിന്റെ പിന്‍ഭാഗത്ത് വേദനയും വീക്കവും അനുഭവപ്പെട്ടു.ഉടന്‍ തന്നെ കുടയത്തൂര്‍ പ്രാഥമിക ആരോഗ്യ കേന്ദ്രത്തിലെത്തി ചികിത്സ തേടി. സൂര്യാഘാതമേറ്റതാണെന്ന് ഡോക്ടര്‍ സ്ഥിരീകരിച്ചതായി സജി തോമസ് പറഞ്ഞു. ശക്തമായ ചൂടാണ് പ്രദേശത്ത് കഴിഞ്ഞ ദിവസങ്ങളില്‍ അനുഭവപ്പെട്ടത്.